Yoohana 14:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Chirri an irde meel atin iyeele la, a soonokhda, meesseey atin geecha, ꞌdee inti an kajiro, atin laka kajirtaan.

Yoohana 14:3 Referans Kwoze

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

2 Timooti 2:12

Chiꞌinno garrahsanni, usu walah a leedakhanna. Chiꞌinno usu ꞌdiiꞌdne, ullaka a inno ꞌdiiꞌda.

Hilassi Ergaano 1:11

“Era atinha boroofenhi Gaalilaaya!” yidah, “A iꞌdoh itolossaane serey iꞌdeyꞌdoossaan? Yeessoha atin lakakhaate serey lageeche, saggaas atin iagartaane us serey iirti on isoonokhta.”

Ibiraaniya 9:28

Saggaas on u Kiriisto laka koloo on lasoorriyooche, ꞌdee uskeeli ꞌdooꞌdi buure bahcha. Ulla maanti lammaatteete us soonokhti, uskeeli us toro bahcho ma iyamiite, iꞌdaasenyi ꞌdooꞌdi usu weyti sugo iche yamiite, ribnaan ikeena.

Rooma 8:17

Inno a nyaakhutiissa gone, wihi Waakh nyaakhutiis siicho a muꞌdannahe. Toro wihi Waakh Kiriisto siicho laka a leeꞌhella. A mehe chirri rumanka inno sinati usu lakawaariche leegisanno, weynaanti usu laweynaacho laka a leegisanna gon.

Yoohana 14:28

“Anihi, ‘A irda toro a atin isoonokhda,’ eldi a daagteen. Chirri atin iꞌdoonteen, jeenteti an Aabbaheey ikiirduu, a hamaaddaan. A mehe Aabbaheey ani a ikaweenyahe.

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

2 'Dessaloonika 1:12

Nah wahane iweysanna ꞌdee enenyet tuumman Yeessohi Kamureene saaꞌda jeenteti wihi us jirotiin ka yeeluu, toro la Kiriisto a atin saaꞌda. Waha dakkhan la haaggi Waakhe buure ichoow koo Yeesso Kiriistohi Kamurenye israaho on kayateehiin.

Bakkaahit 3:21

Eti tuummane sooricho, antohi ullaka komborteeyti antoot ikaleeorronti siicha, saggaas ani laka isooriche komborti antoot Aabbaheey ikaleeorronduu.

Fiiliffi 1:23

Sag lamma liijiita. Anihi irdi Kiriisto leejiro imoona. Iꞌdi tahe taase weyti deefta.

Yoohana 14:4

Jiti inti an isohdi irti a garattaan.”