Yoohana 14:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Yeesso la wihi us ilaabe, “Eti tuummane iꞌdoono, wihi an abcho a raaha. Aabbaheey usu a ꞌdoona. Aabbaheey ichoow ani usu a inamiite fureenyo goytiis kayeelanna.

Yoohana 14:23 Referans Kwoze

Yoohana 14:21

Eti iꞌdoono, a ki amurreteey khabti, toro raaho. Eti iꞌdoono la, Aabbaheey laka usú a ꞌdoona, ani laka usu a ꞌdoona, toro la eti an ahe la a tusa.”

Yoohana 14:15

“Chirri atin iꞌdoontaan, amuri an atin siiche a raahtaan.

1 Yoohana 2:24

Maantaka, taba giꞌde wori atin uus uumaccho ka atin daagteen goytiin a fiddiyo. Chirri woraas goytiin fiddiyo, atin laka Weeli Waakh ichoow Waakkhi Aabbaheene goychooda fiddiitaan.

1 Yoohana 4:4

Atinhi nyaakhuteeyenye an weyti ꞌdoono, atin a ki Waakhe toro ꞌdooꞌdaas a soorisseen gon. A mehe Rubeyti Munyeenye goytiin kijirto, Seytaanki harrata kijiro a kussantahe.

2 Koriinto 6:16

Minki Waakhe buure ichoow iyookkoyyo saggoh isidaagaan? A mehe inno a minki Waakhe buurenye Waakkhi jiro. Iꞌdi Waakh yidah u, “An goychooda furda, goycho kaassohda. An Waakkhichooda ateehe, icho la ꞌdooꞌdaaya yateehiin.”

Yoohana 10:30

Ani ichoow Aabbaheey a koo kalday.”

Yoohana 6:56

Eti tuummane sarteey yahame diiggeey la damo, goytaaya fiddiya, anna goytiissa fiddiya.

Yoohana 14:17

Waha a Rubeyti Munyeenye rum leh. ꞌDooꞌdi harrata la Rubeyti Munyee ma khaatti. Iꞌdi tahe icho Rubeyta Munyee ma argaane, ommos ma gartaan. Iꞌdaasenyi atin a garattaan, a mehe Rubeyti Munyee toolla a atin leefiddiita, toro berri goytiinna kijirta.

Bakkaahit 21:22

Ilkerengeet goyaka minki Waakhe buure ma argin, iꞌdi tahe Kamuri Waakhenye Miig Tuumman Leh ichoow Heleeme minki Waakhe buurenye ilkerengeetete.

Bakkaahit 22:3

Falohi Waakh kola ilkerengeet goya ma kijiraan. Komborti antoote Waakh ichoow Heleem leeyahiin ilkerengeet goya kajirta, falfayyohi Waakh la intaase Waakh ikahilaan.

Yoohana 8:51

Rume atin icheeka, eti tuummane wihi an abcho raaho, jirtuu ma yamuut.”

Yoohana 8:52

Jeenteti waha u, ꞌdooꞌdi Yaꞌhuud wihi us yidah, “Ya! Toolla saggi rumanka ginna kidakhatti a abanne. Aburaaham a yumuyye, ꞌdooꞌdi tuummane Waákh íyeyyeedo laka a tuume. Iꞌdaasenyi at mehe elatta ya, eti tuummane wihi at abisso raaho jirtuu ma yamuut.

Yoohana 14:24

Eti tuummane ani iꞌdoonin, wihi an abche laka ma raaho. Wihi atin daagteen la weheey menye, Aabbaheeyki isooerge iche kayimaateen.

Yoohana 15:10

Chaꞌatin amurreteey raahtaan ꞌdoonintaaya kafiddiitaan, saggi an amurre Aabbaheey iraahe an ꞌdoonintiis ikafiddiyuu.

Yoohana 16:27

Jeenteti atin ani iꞌdoontaane toro saggi an Waakh ikiimiy irummeysatteen u Aabbaheey a atin ꞌdoona.

Efeesso 3:17

ꞌdee Kiriisto kakhuufnaanki atin usu kakhuuftaan ka uurassiin goyaka fur yeessa. Toro la Waakhe daaha, ꞌdooninti atin Waakh ichoow enenyet ꞌdoontaan ka miigowtaane toro mujjum tolossattaane,

1 Yoohana 2:5

Iꞌdaasenyi eti tuummane Yeedi Waakh raaho, ꞌdooninti Waakh rumanka tuume goytiis kijirta. Saggane saggi inno ichoow Waakh ba wohoo kalday inahe igaranna.

1 Yoohana 5:3

ꞌDooninti inno Waakh ꞌdoonno a iꞌda, amurretiissa raahna. Amurretiis la hulees mele.

2 Yoohana 1:6

ꞌDoonine la talla, jiroteen ka amurretiissa raahna. Saggi atin uus uumaccho ka idaagteen u, amuriis a ki atin isꞌdoontaane, taba jirotiin ka isꞌdoona.

Bakkaahit 21:3

Hooyi buurenye komborti antoot kasooyeedo daage, wihi us yidah, “Yeya, Waakh kola weeli enenyet goya furta. Ulla icho a leefiddiya, icho la ꞌdooꞌdiis yateehiin. Waakh rubeytiis la icho a leejira, ulla Waakkhichooda yateeh.