Biblia Todo Logo
Bib sou entènèt

- Piblisite -




Yoohana 14:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

16 Anna Aabbaheey a daaha, ulla ꞌDooggargaartotoo addane jirtuu tuumman atin leejirto atin isooerga.

Gade chapit la Kopi




Yoohana 14:16
31 Referans Kwoze  

Iꞌdaasenyi Rubeyti Munyeenye ꞌDooggargaarto layadeehe, Aabbaheey meesseey ka sooergo, walah tuummane atin abissa, toro la wihi tuummane an atin isoocheeke, atin kasooꞌhelissa.


“Maanti Rubeyti Munyeenye ꞌDooggargaarto layadeehe Aabbaheey katamiit an atin isooergo, Rubeyta Munyeenye rum lehe Aabbaheey katamiit, a atin itamiite, wori ani imiinsan atin icheekta.


Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.


Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,


A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella.


ꞌDeerka urur Kiriistoki ilassi Yaꞌhuudiya ichoow Gaalilaaya ichoow Saamariya kajiro ba geeddoo ka sina laan nebey kafiddiyeen. Rubeyti Munyee la icho miigoosse, toro la uur miigoosse, toro ꞌdooꞌd laka kakhayme. Icho tuumman la Kamur karooreen.


Nyaakhuteeyki an weyti ꞌdoono, waansihane atin isoochiira, uus ꞌdee atin uskeel yeeline. Iꞌdaasenyi chiꞌ etoo goytiin ka uskeeloo yeelo, eti meesseen ka Aabbaheen hawwaasti a khabna. Eta la a Yeesso Kiriistohi Fissan.


Iꞌdaasenyi eti tuummane bicchehi an siicho yabhuub, jirtuu tuumman ma subgaati. Bicchehi an siicho la, goytiis ka iꞌdi issi bicchehi jiro lakeelo yateehiine, jiroti rummaate jirtuu imassanne ꞌhela.”


Toro la amuri tuummane an atin ibahche abcha a raaheen. Rumanka la an a atin leejira ichoowka ibeenki ꞌdaꞌddaboot yateeh.”


Kola atin ichoow Kiriisto a wohoo kalday gone, wahaas uur ma atin miigoochaan a? ꞌDooninti us atin ꞌdoono ka la, usu menya uur atin khoboocho? Atin ichoow Rubeyti Munyee la kulankoo kalday ma isikhabtaan a? Kiriisto ꞌdoonintiis ichoow uurnugleeliis a atin tuse menya?


Khajjeela inno khabno ka, rubeye ma inno jebto. Iꞌdi tahe Waakh Rubeytiisti Munyee a inno siiche, ꞌdee iche la ꞌdooninti Waakh rubeyoheen goya buuhissa.


Abatti la hamaad ichoow Rubeyti Munyee buuhicheen.


Weysiheey ka wihi an kidaaho, atihi icho harrata kabihisso menye, iꞌdaasenyi a atihi Seytaanki uskeel leh kaholisso.


Saggi nyaakhuti ꞌdooꞌdi dele katuume ma atin ikatabo, a atin isoonokhda.


Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.


Ayyo uskeel inno igoocha? Yeesso Kiriistohi yumuyye, wahaas ꞌdirihicho ka la omoot lakasookahche, toolla la anki dahanti miigeete Waakh jiro, Waakh a inno ihawwaasta.


Walahbaaw tahe ka, jeenteti atin keey itahiin idaaha anna a atin iyeelaa.


“Icho kalday ma iweesdi, ꞌdooꞌdi wori icho cheekaan ka ani irummeesti laka a iweesda.


Atin ka laka iꞌdaas on tateeh. Toolla a bolokhtaane, iꞌdaasenyi toro a atin arga, atin la weyti hamaaddaane, et hamaadiin atin kakhaato la mele.


Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,


Yeesso yeedaas ka la, wihi us woriis kayeyyeedo, a Rubeyti Munyeenye, ꞌdooꞌdi usu rummeeste sooꞌhelo. Geeddaka uliba Waakh ꞌdooꞌdi Kiriisto rummeeste Rubeyta Munyee ma siin. A mehe Yeesso geeddaakka goobi Waakh ka ma laweynaan.


Maantoo leegolossataayi amurane ibahche, “Ilkerengeetti weene Yeerusaleem akabihina, iꞌdaasenyi siinti goorat Aabbaheey atin iayyiche, an woriche kaayyeedo atin daagteen suga.


Atin ka la, Kiriisto Rubeyti Munyee ka a atin subhe. Subahnaanka us atin subhe la goytiinna fiddiya. Maantaka etoo addane wihi rummaat atin abcho ma ꞌdoontaan. Iꞌdaasenyi Rubeyti Munyee walah tuumman a atin abissa, wihi iche atin abisso la been menye, a rum. Maantaka iꞌdi Rubeyti Munyee atin iabissuu, taba giꞌde Kiriisto goytiis fiddiya.


A mehe runta goyteenna fiddiita, jirtuu tuumman la rubeyoheen goya fiddiita.


Swiv nou:

Piblisite


Piblisite