Yoohana 14:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Chirra ani, ‘An Aabbaheey goytiissa fiddiya, ulla goytaaya fiddiya,’ atin iidah, irummeesda giꞌde. Chirri atin irummeysan, wihi ittaawenye weeli enenyet yeelin iubaaꞌdane an yeelo ka rummeesda giꞌde.

Yoohana 14:11 Referans Kwoze

Yoohana 10:38

Iꞌdaasenyi chirri an wihi Aabbaheey ꞌdoono yeelo toro la atin ani irummeysan laka, wihi ittaawenye weeli enenyet yeelin iubaaꞌdan rummeesda. Iꞌda ka saggi Aabbaheey goyteey ikijiro anna goytiis ikijiro a abattaan.”

Yoohana 5:36

“Wohoo addane woreey cheeko, Yoohana laka kussan a jiraan. A mehe hili Aabbaheey dahan isoogesse an massicho an haaggicho saggi Aabbaheey isooerge, iche tusa.

Yoohana 10:25

Yeesso wihi us ilaabe, “An orey on atin isoocheeke, iꞌdaasenyi atin ma irummeysan. Wihi ittaawenye weeli enenyet yeelin iubaaꞌdane an antohi magah Aabbaheey ka yeelo, eti an ahe cheekaane,

Yoohana 14:10

Fiilif, at saggi an Aabbaheey goytiis ifiddiyo, ulla goyteey ifiddiyo ma rummeysatti? Yeeda an eldi ani ma ikiimaatane, Aabbaheeyki goyteey fiddiyo iche waha tuumman yeela.

Hilassi Ergaano 2:22

Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan.

Ibiraaniya 2:4

Waakh rubeytiis la ribnaankaas rummaache. Saggi us irummaache la a iꞌda, wahanyeyyohi miigti Waakh tuso ichoow girmo ichoow wihi ittaawenye weeli enenyet yeelin iubaaꞌdane yeele, toro la saggi us iꞌdoono on u, siinti Rubeyti Munyee ꞌdooꞌd gise.

Yoohana 10:32

Iꞌdaasenyi Yeesso wihi us iyidah, “Anto Aabbaheey ka wihi ittaawenye weeli enenyet yeelin iubaaꞌdan goytiin ka a yeele. Waha an yeele goyaka, jeenteti kichekoh dagah ka ogoos iꞌdoontaan?”

Yoohana 14:20

Maantaas saggi ani ichoow Aabbaheey wohoo kalday inahe, atin ichoow ani wohoo kalday inahe, toro la ani ichoow atin wohoo kalday inahe a kassaan.