Yoohana 14:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Fiilif, at saggi an Aabbaheey goytiis ifiddiyo, ulla goyteey ifiddiyo ma rummeysatti? Yeeda an eldi ani ma ikiimaatane, Aabbaheeyki goyteey fiddiyo iche waha tuumman yeela.

Yoohana 14:10 Referans Kwoze

Yoohana 5:19

Yeesso wihi us jaldaabti Yaꞌhuud ilaabe, “Rume atin icheeka, Weeli Waakh walah us keley yeelo mele. Wihi us argo Aabbahiis yeelo on yeela. Iꞌdi tahe wihi Aabbahiis yeelo on Weeliis laka yeela.

Yoohana 10:38

Iꞌdaasenyi chirri an wihi Aabbaheey ꞌdoono yeelo toro la atin ani irummeysan laka, wihi ittaawenye weeli enenyet yeelin iubaaꞌdan rummeesda. Iꞌda ka saggi Aabbaheey goyteey ikijiro anna goytiis ikijiro a abattaan.”

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Yoohana 12:49

A mehe an antoheey ma kaayyeedin. Iꞌdaasenyi Aabbaheeyki isooerge iche amur ibahche, wihi an adeeh ichoow saggi an iadeeh isiiche.

Yoohana 10:30

Ani ichoow Aabbaheey a koo kalday.”

Yoohana 8:28

ꞌDeerka wihi us iyidah, “Maanti atin Ínam Aadam massalaaba ka serey geesseen, saggi an etaas iahe, a abattaan. Toro la saggi an wohoo rucchul laka miigteey ka iyeeline, iꞌdaasenyi an wihi Aabbaheey iabche on icheeko a abattaan.

Kolossaay 2:9

A mehe tuunki Waakh sarti enenyete Kiriisto kayaal.

Yoohana 17:8

Wori at isiisse iche anna icho siiche, icho la rummeesteen. Icho la saggi an rumanka ati ikaaimiy a gartaane, toro saggi at ani isooeregte laka a rummeestaan.

Yoohana 5:17

Yeesso la wihi us iyidah, “Aabbaheey kol dakkhan hil a haaggicha, annaka iꞌdiis u hile haaggicha.”

1 Yoohana 5:7

A mehe walah seyyahtane runti saggi Yeesso iyimiyye weeli enenyet iyitah cheeka.

2 Koriinto 5:19

Wihi an eldi a waha, Waakh Kiriisto ka ꞌdooꞌdi harrata ankiissa keene. Ulla uskeelicho ma ekkaacho. Toro la hili us nah korche a ki nah saggi usu weeli enenyet ankiis ikeeno nah cheekno.

Yoohana 8:38

Wihi an inti Aabbaheey kajiro ka an arge a atin icheeke. Atin la wihi atin aabbahiin kadaagteen iche yeessaan.”

Kolossaay 1:19

Iꞌdi tahe wihi Waakh kahamaadiche, a buuhiiski tuum weeliis goya fiddiyo,

Yoohana 14:20

Maantaas saggi ani ichoow Aabbaheey wohoo kalday inahe, atin ichoow ani wohoo kalday inahe, toro la ani ichoow atin wohoo kalday inahe a kassaan.

Yoohana 7:16

Yeesso wihi us ilaabe, “Waha an ꞌdooꞌd abcho, yeedeey on menye, a yeedi eti isooergate kayimiy.

Yoohana 8:40

Atin la anihi wihi rummaate tuummane an Waakh kadaage atin isoocheeke, iche ogoos imarantaan. Aburaaham injire wihi iꞌdaase ma yeelin.

Yoohana 11:26

Eti tuummane toolla jiro, ani irummeeste la, jirtuu tuumman ma yamuut. At waha a rummeysatta?”

Yoohana 3:2

Ulla ibeen Yeesso iyimiyye wihi us iyidah, “Eti ween, saggi at etoo Waakh sooergate enenyet walah abcho itahe a garanna. A mehe wahanyeyyohi miigti Waakh tuso at yeesso, et addane yeelo mele, eti Waakh leejiro on menye.”

Yoohana 14:11

Chirra ani, ‘An Aabbaheey goytiissa fiddiya, ulla goytaaya fiddiya,’ atin iidah, irummeesda giꞌde. Chirri atin irummeysan, wihi ittaawenye weeli enenyet yeelin iubaaꞌdane an yeelo ka rummeesda giꞌde.

Yoohana 14:24

Eti tuummane ani iꞌdoonin, wihi an abche laka ma raaho. Wihi atin daagteen la weheey menye, Aabbaheeyki isooerge iche kayimaateen.