Yoohana 14:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Yeesso toro wihi us abattitiis iyidah, “Amalalina, Waakh kakhuufa, ani laka ikakhuufa.

Yoohana 14:1 Referans Kwoze

Yoohana 12:44

Yeesso riire wihi us yidah, “Eti tuummane ani irummeesti, ani kalday ma irummeesti, iꞌdaasenyi ki ani isooerge laka a rummeesta.

Yoohana 6:40

Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

Yoohana 13:19

“Waha geeddi icho iitaahane atin isoocheeka, ꞌdee maanti icho yitaaheen laka, saggi an eti an ahe, an atin isoocheeke iahe rummeysattaan.

Efeesso 1:15

Jeentetaas u, ani uus an saggi atin Yeessohi Kamureene ikakhuufteen ichoow saggi atin ꞌdooꞌdi Waakh tuumman iꞌdoontaan daage,

Yoohana 12:27

“Toolla rubeyteey a suujowte, mehe idaahe? ‘Aabbahaaw, sahaꞌdda sinayyoot ikarib,’ iche adeeh? Mele! An jeentetane sahaꞌdda isooeleele.

2 'Dessaloonika 2:2

Uus ꞌdooꞌdi, “Ibeenki Kamur soonokhti a kute,” atin idowo dowwa on atin malalinne, ommos atin kanahin. Chirri icho, “Rubeyti Munyee a nah tusse,” ommos, “Farniin a ꞌhelle,” essaane ommos nane khadaabeenyo a ꞌheleen, essaan laka, yeedicho araahina.

2 Koriinto 2:7

Iꞌdaasenyi kola a atin imasse chaꞌatin etaas uskeelaas ikakuttaane, toro la uur khoboossaan uus ꞌdee oytinti buurenye us ooyo ka rubeye jebine.

Yoohana 11:33

Chirri Yeesso ichehi ooyto arge ka, ꞌdooꞌdi Yaꞌhuude leejiro laka usuhi ooyo arge, rubeye weyti uskulaatte, mal gele.

Yoohana 5:23

ꞌDee enenyet tuumman saggi us Aabbahiis iinkaanyito, Weeliis laka iinkaanyita. Eti tuummane Weeli Waakh iinkaanyitin la, Aabbahiiski usu sooerge laka ma inkaanyito.

Yoohana 16:3

ꞌDooꞌd la waha tuumman a atin yeela, iꞌdi tahe icho Aabbaheey ma gartaane, ani laka ma igartaan.

Yoohana 16:6

Toolla an waha atin isoocheeke la, a bolokhtaan.

Yoohana 16:24

Atin ichoowka uliba walah atin jeenteti atin keey itahiin u daahteen mele. Waakh wihi atin ꞌdoontaan daaha a ꞌhessaane, ꞌdee hamaadiin la ki buuho iche yateeh.