Yoohana 13:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Siimonhi Beetero layadeeh wihi us Yeesso ilaabe, “Kamur, ꞌdeerka luhlo kalday iidikhine, iꞌdaasenyi dahano ichoow matah laka idikh giꞌde.”

Yoohana 13:9 Referans Kwoze

1 Beetero 3:21

Biccheha la mehe itoollaan ya, baattissiyoti toolla atin laka atin ribto. Baattissiyota la wohoo sartiin chaafo kabahcho menye, a rubeyti wahanyeyyohi Waakh ka suujoon inno ikacheekan. Baattissiyota la Yeesso Kiriistohi omoot kasookahe ka a atin ribta.

Ibiraaniya 10:22

mali fissan ichoow kakhuufnaanki inno Waakh kakhuufno uurlammaal ikhabin ka, Waakh idowwaanni giꞌde. A mehe rubeyoheenki suujoon inno kacheekti diig Kiriisto ka a ladikhe, sarteen la a iꞌdoo bicchehi warraakhe lakadikhe.

Mattaayo 27:24

Chirri Bilaato saggi us wohoo iyeeline iꞌdaasenyi urur weyti iuskulaate il ibaabiicho arge ka, bicche on khaate, urur ortiis ka dahano dikhte. Wihi us yidah, “An eta wohoo rucchul laka iyeelin diiggiis ma gelo, khaata iꞌdi atin tadeehiin daha.”

Yoohana 13:8

Beetero la wihi us iyidah, “At koloo kalday laka luhlo ma idikhto.” Yeesso wihi us ilaabe, “Chirri an luhlo kidikhin, at keey mee.”

Yoohana 13:10

Yeesso wihi us ilaabe, “Eti kootte sar tuumman dikhte, yomboka luhlo kalday on dikhta. Iꞌdi tahe sartiis tuumman chaafo ma khabto. Buurtiin a dikhantahe, iꞌdaasenyi atin tuumman mee dikhan.”