Yoohana 13:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Wahaas ꞌdubicho ka, karaayatoo bicche kachibe, abattitiis luhlo dikhe, dafarti kootte us dabar kahiite ka hiyyaaye.

Yoohana 13:5 Referans Kwoze

Luuka 7:44

Yeesso ꞌdeerka makhaabál iurgiye wihi us Siimon iyidah, “Siimon bal makhaabassa yey! At uus an kootte minkaah imiy bicchehi an luhlo kadikhdi laka ma isiinne, iꞌdaasenyi iche ilmohiche ka luhlo a ikhuyyaamisse, tintiche ka la a ihiyyaayte.

1 Timooti 5:10

toro la a ti jeenteti iche haag iyeessuu enenyet tuumman inkaanyito. Haaggiche a ꞌdow on. A ti nyaakhuutiche jiti haaggan kasooweynaasse, a ti goobiche ka ꞌdooꞌd martiisatte, a ti ꞌdooꞌdi Waakh iꞌdi ilbooy u luhlo dikhte, a ti ꞌdooꞌdi sina khabe gargaarte. A ti hili haaggan tuumman isisoobihisse.

Bakkaahit 7:14

Wihi an ilaabe, “Eti ween, ati a garatta.” Ulla wihi us isoolaabe, “Waha a ꞌdooꞌdi sinati buure goya kasoobahe, a ꞌdooꞌdi kabuuꞌddeticho diiggi Heleem lakadikhe, ladakhnaache.

Ibiraaniya 10:22

mali fissan ichoow kakhuufnaanki inno Waakh kakhuufno uurlammaal ikhabin ka, Waakh idowwaanni giꞌde. A mehe rubeyoheenki suujoon inno kacheekti diig Kiriisto ka a ladikhe, sarteen la a iꞌdoo bicchehi warraakhe lakadikhe.

Efeesso 5:26

Kiriisto la iꞌdane yeele, ꞌdee dikhnaanki us bicche ichoow Yeediis ka dikhe ka ururiis munyaacha.

1 Koriinto 6:11

Gaasiinkoo orey jiroti iꞌdaasenye jire. Iꞌdaasenyi toolla Waakh uskeeliin a dikhe, atin munyaache. Toro la ꞌdooꞌdi fiffissan atin iekkaache. Waha dakkhan a jeenteti wihi Yeesso Kiriistohi Kamure ichoow Rubeyti Waakkheen atin iyeeleen.

Hilassi Ergaano 22:16

Toollaka mehe sugta? Tolosso a kibaattissiyo, uskeelaah a lakaadikho geeddi at magahi Kamur wahto.’

1 Yoohana 5:6

Yeesso Kiriisto rubeytiis bicche ichoow diige kayimiy. Bicche kalday on la menye, bicche ichoow diige goya leeyimiy. Rubeyti Munyee la waha a cheekta, a mehe Rubeyti Munyee rum on cheekta.

1 Yoohana 1:7

Iꞌdaasenyi chirri inno banay goya kaassohanni saggi us banay goya ikajiruu, inno tuumman kulankoo kaldaye khabna, diig Yeessohi Weeli Waakhe la uskeeleen tuumman a inno kadikha.

Yoohana 19:34

Etoo iskareet toor ka Yeesso waaru ꞌhune, diig ichoow bicche kasookhubteen.

Luuka 7:38

Yeessohi dikkil kajiifo adahtiis tolossatte ooyte, ilmohiche ka luhlohiis khuyyaamisse. ꞌDeerka tinticheti matah ka hiyyaayte, luhlohiis doddongatte, miricchi ka subahte.

Bakkaahit 1:5

Toro la Yeesso Kiriistohi runti Waakh ka garti lakakhuufo laabo, eti kolooraate omoot kasookaheenye, toro weynaanti harrata dakkhan anti ba atin imaala, nebey atin kakaala. Yeesso Kiriisto a inno ꞌdoona toro la diiggiis ka uskeel a inno kasoofure.

Yoohana 13:10

Yeesso wihi us ilaabe, “Eti kootte sar tuumman dikhte, yomboka luhlo kalday on dikhta. Iꞌdi tahe sartiis tuumman chaafo ma khabto. Buurtiin a dikhantahe, iꞌdaasenyi atin tuumman mee dikhan.”

Yoohana 13:8

Beetero la wihi us iyidah, “At koloo kalday laka luhlo ma idikhto.” Yeesso wihi us ilaabe, “Chirri an luhlo kidikhin, at keey mee.”

Yoohana 13:6

Chirri us Siimonhi Beetero layadeeh sooeleele ka, Beetero wihi us iyidah, “Kamur, luhlo idikhta?”