Yoohana 13:36 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁶ Siimonhi Beetero layadeeh wihi us Yeesso worsate, “Kamur, at intoh iratta?” Yeesso wihi us ilaabe, “Toolla inti an irdi ma ileeiratti. Iꞌdaasenyi ꞌdee yomboka a ileeiratta.”

Yoohana 13:36 Referans Kwoze

2 Beetero 1:14

A mehe a garda omootteey a soodowwaatte, saggi Yeesso Kiriistohi Kamureene itusuu.

Yoohana 13:33

“Nyaakhutaaw, an kola geeddoo rucchul on atin leefiddiya. Atin a iyowattaane, iꞌdaasenyi iꞌdi goorat an yaafohi Yaꞌhuud iidah u, inti an irdi emeet ma tabuuꞌdiin.

Yoohana 16:17

Abattitiis gaasoo wihi iche isitidah, “Yeesso chirri us, ‘Geeddoor rucchul ka ma iagartaane ꞌdee yomboka la a iagartaan,’ inno idowo, mehe essa? Toro chirri us, ‘Aabbahaaya iirda,’ inno idowo, mehe essa?

Yoohana 14:2

Min Aabbaheey goonanneti ittaawenye khaba. Anna a irda, meel atin iyeela. Chirri kootte waha iꞌdaas ieheynan, ma atin isoocheeko.

Yoohana 16:5

An kola ꞌdee eti goorat isooerge inokhda. Etiinkoo kaldaye inti an isohdi worsati la ma jiro.