Yoohana 13:33 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³³ “Nyaakhutaaw, an kola geeddoo rucchul on atin leefiddiya. Atin a iyowattaane, iꞌdaasenyi iꞌdi goorat an yaafohi Yaꞌhuud iidah u, inti an irdi emeet ma tabuuꞌdiin.

Yoohana 13:33 Referans Kwoze

1 Yoohana 2:1

Nyaakhuteeyki an weyti ꞌdoono, waansihane atin isoochiira, uus ꞌdee atin uskeel yeeline. Iꞌdaasenyi chiꞌ etoo goytiin ka uskeeloo yeelo, eti meesseen ka Aabbaheen hawwaasti a khabna. Eta la a Yeesso Kiriistohi Fissan.

Yoohana 14:19

Geeddoo rucchul ka kola ꞌdooꞌdi harrata toro ma iargo, iꞌdaasenyi atin a iagartaan. Toro jeenteti an ijiruu, atin laka ꞌdee jiro a ꞌhessaan.

1 Yoohana 5:21

Nyaakhuteeyki an weyti ꞌdoono, taba iyookkoyyohi waakkhakh lakayeessi iskahossa.

1 Yoohana 4:4

Atinhi nyaakhuteeyenye an weyti ꞌdoono, atin a ki Waakhe toro ꞌdooꞌdaas a soorisseen gon. A mehe Rubeyti Munyeenye goytiin kijirto, Seytaanki harrata kijiro a kussantahe.

Galaatiya 4:19

Nyaakhuteeyki an weyti ꞌdoono, bolokkhi iꞌdi ki aranti chiisenye toro atin ikhaba, ma ikabaho la ichoowka Kiriisto ka iiꞌdowtaan.

Yoohana 7:36

Yeeda us, ‘Atin a iyowattaane, ma iꞌhessaane toro inti an kajiro la ma tamiitiin,’ essi a mehe?”

Yoohana 13:36

Siimonhi Beetero layadeeh wihi us Yeesso worsate, “Kamur, at intoh iratta?” Yeesso wihi us ilaabe, “Toolla inti an irdi ma ileeiratti. Iꞌdaasenyi ꞌdee yomboka a ileeiratta.”

Yoohana 14:2

Min Aabbaheey goonanneti ittaawenye khaba. Anna a irda, meel atin iyeela. Chirri kootte waha iꞌdaas ieheynan, ma atin isoocheeko.