Yoohana 13:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Uus Yuuda makaate khaate, Seytaan goytiis gele. Yeesso la wihi us Yuuda iyidah, “Nyaam, wihi at sooyeesso dowwa yeel!”

Yoohana 13:27 Referans Kwoze

Luuka 22:3

Seytaan la Yuudahi Iskaariyoot layadeehe abatti Yeessoti tomon ichoow lammee kichekoowe gele.

Yoohana 13:2

Yeesso ichoow abattitiis ba gololi gelebeete yamhiin. Seytaan la Yuuda Iskaariyoothi inam Siimone mali suujenye us Yeesso ꞌdub kagoocho orey on rubeytiis gesse.

Hilassi Ergaano 5:3

Beetero la mehe iyidah ya, “Anaaniya, saggoh Seytaan uuraah ibuuhiche, ichoowka Rubeyti Munyee been ikagoosse, chilimmeti gosaah bahe gaasoo ilaabatte?

Mattaayo 12:45

Ginnataas ꞌdeerka iratta, ginna teeba addane iche laka kasuuje sookhaatatta etaas goya gelaane, fur yeessaan. Etaas la jirotiis, ti goorat oraat a kaꞌdarsatta. ꞌDooꞌda iꞌdeenye uskeel leh iꞌda on itateeh.”

Marko 6:25

Iname chirraas on tiriyye, karnat iiratte wihi iche itidah, “Atihi matah Yoohanahi Enenyet Baattissiyo karam isookorisso, toolla kofche isiisso, iche ꞌdoona.”

Mattaayo 4:10

Yeesso wihi us iyidah, “Seytaan, nyaam ikatab! A mehe wihi chiiran, ‘Kamuri Waakkhaahe waho toro la usu kalday on ihil.’  ”

Yoohana 6:70

Yeesso ꞌdeerka wihi us ilaabe, “Ani menya atinha tomon ichoow lammee atin soobahsade? Iꞌdaasenyi goytiin ka, etoo a ki Seytaan!”

Yoohana 13:28

Iꞌdaasenyi ꞌdooꞌdi addane leegolossati et jeenteti Yeesso waha iyidah garti mele.