Yoohana 13:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Abatti goyaka, etoo kachka Yeesso weyti ꞌdoono, Yeessó garabiissa fiddiya.

Yoohana 13:23 Referans Kwoze

Yoohana 19:26

Yeesso abartiis ichoow eti us abattitiis goyaka weyti ꞌdoono ichohi intaas toollo arge. Yeesso wihi us abartiis iyidah, “Abartaay, eta inankaah kayeelo.”

Yoohana 21:20

Beetero urgiye, etoo ullaka abatteenye ꞌdubicho sooraaho arge. Eta a ki goorat Yeesso weyti ꞌdoono, maanti goorat Yeesso gololi ꞌdaꞌddaboot abatti leeyuhum, Yeesso garabiis fiddiye, Yeesso kasiihsate, “Kamur, eti ꞌdub kigoocho a ayyo?” worsate.

Yoohana 21:7

Eti abatti goyaka Yeesso weyti ꞌdoono la wihi us Beetero iyidah, “Waha a Kamureenna alah.” Chirri Siimonhi Beetero layadeeh saggi wahaas Kamur iyahe daage ka, dafartiisti oroot dabar kahiite. Iꞌdi tahe kootte a bahchee. ꞌDeerka bicche goya kadihe.

Yoohana 20:2

ꞌDeerka Siimonhi Beetero layadeeh ichoow eti ullaka abatteenye Yeesso weyti ꞌdoono isoonyaante wihi iche itidah, “Kamur goꞌd goya a lakabahche, inti lagesse la ma garanni.”

Yoohana 11:36

ꞌDooꞌdi Yaꞌhuud la wihi us isiyidah, “Bal geeddi us Laassaro ꞌdoono yeya!”

Yoohana 11:5

Yeesso la Maarta ichoow walaassicheti Maariya layadeeh ichoow walaalichoki Laassaro layadeeh ba a ꞌdoona.

Yoohana 11:3

Albeha isleedesse, Yeesso farniin iꞌdiiche, “Kamur, aalaahki at weyti ꞌdoonto a khannanyahe,” iyidah.

Yoohana 21:24

Eti abatteenye waha runticho garti, cheeko, toro la chiire, a kan. Saggi wihi us yidah rum iyahiin la a garanna.

Yoohana 13:25

Etaas abattee Yeesso kasiihsate wihi us worsate, “Kamur etaas a ayyo?”

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

Luuka 16:22

“Saahka eti miskiine yumuyye, herti Waakh la khaatte inti ꞌdooꞌdi fiffissane tuume lagesso ka, Aburaaham garabiis orrommisse. Eti kamure laka yumuyye lahawwaale.

Yoohana 13:24

Siimonhi Beetero layadeeh etaas abattee far iooge, wihi us iyidah, “Bal eti us woriis kaayyeedo, eti tahe worsada.”