Yoohana 13:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Inkoo us waha yidah ka, Yeesso weyti uur suujowe, wihi awtiis miinsan abatti icheeke, wihi us yidah, “Rume atin icheeka, etiinkoo ꞌdub igoocha.”

Yoohana 13:21 Referans Kwoze

Mattaayo 26:21

Golossataani, Yeesso wihi us yidah, “Rume atin icheeka, etiinkoo ꞌdub igoocha.”

Yoohana 13:18

“Wora an kaayyeedo atin tuumman mee atin miinsanyahe. ꞌDooꞌdi rumanka an soobahsade a garda. Iꞌdaasenyi Chiirnaanneti Waakhe, ‘Eti ileegolossate on toro chiiy iyitah,’ tadeeh a labuuhicha.

Marko 14:18

Chirra icho komborti lakagolossati ka dikkille kajiifaane golossataan ka, Yeesso wihi us yidah, “Rume atin icheeka, etiinkoo ꞌdub igoocha, a etiinkoo ileegolossati.”

Yoohana 12:27

“Toolla rubeyteey a suujowte, mehe idaahe? ‘Aabbahaaw, sahaꞌdda sinayyoot ikarib,’ iche adeeh? Mele! An jeentetane sahaꞌdda isooeleele.

Yoohana 11:33

Chirri Yeesso ichehi ooyto arge ka, ꞌdooꞌdi Yaꞌhuude leejiro laka usuhi ooyo arge, rubeye weyti uskulaatte, mal gele.

1 Yoohana 2:19

ꞌDooꞌda goyteenna kabahe iꞌdaasenyi rumanka keen ma eheynan. A mehe chiꞌ rumanka goorat icho keen yahiin, a inno leefiddiyaan. Iꞌdaasenyi katabinti icho inno katabeen, saggi koo kalday laka keen ieheynane tusa.

Hilassi Ergaano 17:16

Baawulo la ilkerengeetti Aaꞌden ka Siila ichoow Timooti sugaayi, weyti uur suujowe jeenteti ilkerengeettaas iyookkoyyohi waakkhakh lakayeessi ibuuhaan u.

Yoohana 13:2

Yeesso ichoow abattitiis ba gololi gelebeete yamhiin. Seytaan la Yuuda Iskaariyoothi inam Siimone mali suujenye us Yeesso ꞌdub kagoocho orey on rubeytiis gesse.

Yoohana 11:38

Yeesso toro weyti rubeye uskulaatte, hawwaassi goꞌdenye daddaabtoo buure af lakorche hagga irte.

Yoohana 11:35

Yeesso ooye.

Marko 3:5

Yeesso hol ka indo leeraahe toro weyti uur suujowe, matahmiigticho ka. Et, “Dahantaah fiti!” iyidahye, et dahan ficche, dahane toro tuum haagsatte.

Mattaayo 26:38

ꞌDeerka wihi us seyyahche iyidah, “Huleesi rubeyteey kijiro, huleesi omooteet laka a ikeena. Inta fiddiya, ileetoorribda la.”

Yoohana 13:22

Abattitiis isyeyte, etichoki yeedaas miinsanyahe fooliis waayte.