Yoohana 13:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Toolla ꞌdeerka atin runta garattaan, a hamaadoo geeddohe chaꞌatin wihi atin liiꞌdoono yeessaan.

Yoohana 13:17 Referans Kwoze

Luuka 11:28

Yeesso wihi us ilaabe, “ꞌDooꞌdi rumanka Waakh imaalo, a ki Yeedi Waakh daago toro la raaho.”

Yaakoobo 4:17

Maantaka eti tuummane haaggi imale us yeelo garti toro iyeelin, uskeele yeela.

Yaakoobo 1:25

Iꞌdaasenyi eti amurreti eloo rucchul laka ikhabine enenyet soofurto mujjum fiiricho toro la kol dakkhan kamassi, toro la wihi us daage ikadabine iꞌdaasenyi raaho, Waakh etaas wihi us yeelo ka a imaala.

Bakkaahit 22:14

ꞌDooꞌdi Waakh imaalo, a ki kabuuꞌddeticho dikho ꞌdee gurnaanki geeyi jiro lakaꞌhelo ohom muꞌdane, toro la arto tabo ilkerengeetti ween gelo.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Mattaayo 12:50

A mehe eti tuummane wihi Aabbaheeyki serey jiro ꞌdoono yeelo, a walaalaaya, a walaassaaya, a abartaaya.”

Yoohana 15:14

Atin a aalassaaya chirri atin amureey raahtaan.

Rooma 2:13

A mehe ꞌdooꞌdi amurre Muusa nabah on ka daago mee Waakh ꞌdooꞌdi fiffissan iekkaacho. Iꞌdaasenyi ꞌdooꞌdi wihi amurre ꞌdoonto yeelo iche Waakh ꞌdooꞌdi fiffissan iekkaacha.