Yoohana 13:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Rume atin icheeka, falfá kamuriche kaween mele, ommos eti ergaanee eti ergate ma kaween.

Yoohana 13:16 Referans Kwoze

Luuka 6:40

Eti walah laabcho, eti walah abcho ma kaween. Iꞌdaasenyi eti tuummane walah mujjum laabche, iꞌdi eti walah abche yateeh.

Yoohana 15:20

Wihi an atin iidah kasooꞌhela, ‘Falfá kamuriche kaween mele.’ Chirri ꞌdooꞌdi harrata ani sina iomhicho, atin laka sina a atin omhichaan. Chirri icho wihi an abche raaheen la, wihiin laka a raahaan.

Yoohana 3:5

Yeesso wihi us ilaabe, “Rume atin icheeka, et dakhi Waakh gelo mele, sammata bicche ichoow Rubeyti Munyee ka liidelin.

Yoohana 3:3

Yeesso la wihi us ilaabe, “Rume kisoocheeka, et dakhi Waakh argo mele sammata koli lammaatteet liidelin.”

2 Koriinto 8:23

Wihi Tiito miinsan la, us a wahalheeyki nah goytiin ka hil isleehaagginno. Wihi ꞌdooꞌda lammeenye koo Kiriisteenye usu sooraaho miinsan la, icho a ergattiti ururre Kiriisto, toro la Kiriisto inkaanyit ikeenaan.

Fiiliffi 2:25

Iꞌdaasenyi toolla wihi addane an gooche, a anihi Ebaabara atin isoolaabo. Ullaka a et Kiriisto toro la a ileehila a iꞌdoo us diho ikaleejire. Ulla a ergattitiinti wihi an maan dakkhan ꞌdoono ka igargaaro.