Yoohana 13:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Atin ani, ‘Eti ween,’ ichoow, ‘Kamur,’ menya itadeehiin? Aa! A iꞌdaas on gon. An rumanka a eti weene, toro la a Kamur.

Yoohana 13:13 Referans Kwoze

Luuka 6:46

“A iꞌdoh ani, ‘Kamur, Kamur,’ ikadowtaane wihi an atin idowo la iyeelina?

Fiiliffi 2:11

toro la icho tuumman saggi Yeesso Kiriisto Kamur iyahe ꞌdow ka a cheekaane, ꞌdee Waakkhi Aabbaheene lasaaꞌda.

1 Koriinto 12:3

Maantaka wihi an atin isoocheeko, eti Rubeyti Waakh woyto, koloo kalday laka, “Yeesso a falayyahe,” ma yadeeh. Eti Rubeyti Munyee woyto on menye koo addane, “Yeesso a Kamur,” yadeeh mele.

Yoohana 11:28

Inkoo Maarta waha tidah ka, nokhatte, walaassicheti Maariya layadeeh ꞌdol iwahte wihi iche itidah, “Eti Ween kallaaye, ati laka a kiwaha.”

Fiiliffi 3:8

Wihi wahaas kuto, chaꞌan walah tuumman ichoow indigirti buurenye an Yeesso Kiriistohi Kamureeye an abdi isiyeyo, walah tuumman kola jeente Kiriistuu tuum khasaara iekkaacha. Icho uꞌdu iekkaacha ꞌdee Kiriisto ꞌhela,

1 Koriinto 8:6

inno ka Waakkhoo kalday on jira, ulla a Aabbaheenna. Walah tuumman usu kayimaateene, inno la usu ijirra. Toro la Kamuroo kalday on jira, ulla a Yeesso Kiriisto. Usu on ka Waakh walah tuumman soouume, inno la usu on ka jiro ꞌhelle.

Yaakoobo 2:19

Saggi Waakkhoo kalday on ijiro a rummeysatta? A haaggantahe! Ginnayyo laka saggi Waakkhoo kalday on ijiro a rummeestaane, roorro ka harmaan.

Luuka 10:28

Yeesso wihi us ilaabe, “At a eysiisse, tab giꞌde wahaas yeele, ꞌdee jiroti imassan ꞌhel.”

Luuka 7:43

Siimon wihi us ilaabe, “Ani ka, ki chilimmeti buure laleeꞌdiiche.” Yeesso la “Mujjume goosse,” iyidah.

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

Yoohana 11:2

Maariyata la a ti ꞌdee Kamur miricchi luhlo kasubahto, tintiche la kahiyyaayto. Maariyatane walaalicheki Laassaro layadeeh khannate.

Yoohana 11:3

Albeha isleedesse, Yeesso farniin iꞌdiiche, “Kamur, aalaahki at weyti ꞌdoonto a khannanyahe,” iyidah.

Efeesso 6:9

Toro la Kamurre taba atin laka saggaas on u bowꞌdayyohiin haag on iyeela. Iitiftoonna, a mehe saggi atin igarattaan u atin tuumman Kamuroo kaldaye goobi Waakh ka khabtaane, ulla gar badah ma gatti.