Yoohana 12:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ “A iꞌdoh miricchiha liiororinne, ꞌdee chilimme miskiin liisiin? Chilimmeti eti guꞌhoo hil haaggiche laguto iche baha.”

Yoohana 12:5 Referans Kwoze

Luuka 18:22

Chirri Yeesso waha daage ka wihi us et iyidah, “At uliba wohoo kaldaye kaankhan. Nyaame wihi at khabto tuumman ororiche, chilimme la miskiin siiche, kamurroonki goobi Waakh ꞌhele, ꞌdee kaale isooraah.”

Luuka 12:33

Wihi atin khabtaan ororicha, ꞌdee chilimme miskiin siicha. Urgohi chilimme jirtuu imassan isiyeela, kamurroonkiin goobi Waakh gessa, inti icho iꞌdaaru laka ikanuglaanne, liihatine, riirintoo rucchul laka ikaꞌdaarin gessa.

Yoohana 6:7

Fiilif wihi us Yeesso ilaabe, “Gololi ꞌdooꞌda ebba wohoor on yaham, chilimmeti eti orrah kud lamma hil haaggiche laguto, iche ꞌdoona!”

Luuka 6:41

“A iꞌdoh urufti il walaalaah kijirto iagarta, gurtunki issaah goya kijiro la iargin?

Mattaayo 20:2

Inkoo icho chilimmeti eti orrahtoo hil haaggiche laguto iskadaageen ka, gos iergate.

Mattaayo 18:28

“Iꞌdaasenyi ilbooyaas uus bahe, ilbooyoo addane wahalhiisenye mogti chilimmeti eti orrah kudoo hil haaggiche laguto kakhabo ꞌhele, kur khabte, hude, ‘Toolla kofche mogteey soogut,’ iyidah.

Yoohana 12:4

Iꞌdaasenyi etoo abatti Yeesseenye, Yuuda Iskaariyoot layadeehe, dowwanoha ka Yeesso ꞌdub soogoocho ꞌdiiꞌde wihi us yidah,

Yoohana 12:6

Jeenteti us miskiino uur ikasoonugleeste mee waha iyidah. Jeenteti us iꞌdaas iyidah, a jeenteti us ugarti chilimme ikhuccho, us chilimme ihato.

Yoohana 13:29

Yuuda gon chilimme khucchaa, abatti gaasoo kol Yeesso Yuuda ergate, wihi icho daaw ka ꞌdoonaan, “Soogat,” iyidahye, ommos us, “Wohoo miskiin sii,” iyidahye koogyahiin.