Yoohana 12:48 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁸ Eti ani iꞌdiiꞌdo toro yeedeey ikhaatan, wihi hukkumo a jiraan. Yeedaas an idah rubeytiissa ibeenki yomboot etaas sina igoochá.

Yoohana 12:48 Referans Kwoze

Luuka 10:16

“Eti nabah atin isudo, ani nabah isuda. Eti atin ꞌdiiꞌdo la ani iꞌdiiꞌda. Iꞌdaasenyi eti ani iꞌdiiꞌdo, eti isooergate ꞌdiiꞌda.”

Rooma 2:16

Waha la saggane iyateehiin maalinki Waakh Yeesso Kiriisto ka mali weeli enenyete dagsan tuumman hukkumo. Wori Haaggane an cheeko iꞌdaase yadeeh.

2 'Dessaloonika 1:8

Ulla eti tuummane Waakh igaranne toro la Wori Haaggane Yeessohi Kamureene miinsan daagin ꞌdiiꞌde, sirbi gessa.

Yoohana 11:24

Maarta wihi iche ilaabte, “Saggi us ibeenki yomboot omoot ikasookaho a garda.”

Ibiraaniya 12:25

Taba giꞌde Waakkhi yeeda atin idowo aꞌdiiꞌdina. A mehe chirri goorat yaafohi Issiraayel Muusahi harrata ka leeyyeede yeediis ꞌdiiꞌdeene iche ibahsawwaaytuu, inno laka sag inno iꞌdaaru laka ibahsanni mele chirri inno eti goobi Waakh kasooyyeedo adah kakhabanne.

Ibiraaniya 2:3

Saggoh sina ikabahsanneey, chirri inno ribnaanki weyti haaggane Waakh inno ribo aw ikakhabin? Yeessohi Kamure rubeytiissa kolooraat ribnaanka cheeke, ꞌdooꞌdi usu daage la, saggi ribnaankaas rum iyahe inno isoocheeke.

Yoohana 5:45

Iꞌdaasenyi kol an Aabbaheey ortiis ka uskeeli atin yeesseen cheeko akoogeynana. Eti atin cheekti, a Muusahi atin khajjeel kakhabtaan.

Mattaayo 21:42

Yeesso wihi us icho iyidah, “Atin Chiirnaanneti Waakh ka waha a soonteen menya? “ ‘Daakki ꞌdooꞌdi minan diso ꞌdiiꞌde, iche tirrinki dagaheete min tiiro yitah. Kamure waha yeele, indoheen ka la weyti haagganyahiin.’

2 Koriinto 4:3

Chirri Wori Haaggane nah cheekno dagsanyahe laka, ꞌdooꞌdi bar latiro on kadagsanyahe.

Luuka 20:17

Yeesso ꞌdooꞌd indo katoolliche, wihi us worsate, “Chaꞌatin iꞌdaas elattaan, Chiirnaanka bal kamalda. “‘Daakki ꞌdooꞌdi minan diso ꞌdiiꞌde, iche tirrinki dagaheete min tiiro yitah.’

Luuka 17:25

Iꞌdaasenyi koloo Ínam Aadam sinati buurenye kawaarta, ꞌdooꞌdi weyꞌda la usu ꞌdiiꞌda.

Luuka 9:26

Chirri etoo ani ikuuryaawo toro yeedeey kuuryaawo, Ínam Aadam maanti us ababnaankiis ichoow ababnaan Aabbahiis ichoow ki herti Waakhe munyee leesoonokhti usu a kuuryaawa.

Luuka 9:22

Toro wihi us iyidah, “Ínam Aadam sinati buurenye latusa, ewweenki Yaꞌhuud ichoow kuhaaniyyohi wewween ichoow tagaammeti amurre usu ꞌdiiꞌdaane, layagiise ibeenki seyyahnaatteet ka omoot lakasookahcha.”

Luuka 7:30

Iꞌdaasenyi Farissaayo ichoow tagaammeti amurre jeenteti Yoohana icho ibaattissiyin u, mali Waakh icho ikhabe a ꞌdiiꞌdeen.

Marko 16:16

Eti rummeesti toro labaattissiyo, a lariba. Iꞌdaasenyi eti irummeysan Waakh uskeel a igoocha.

Marko 12:10

Atin injire waha Chiirnaanneti Waakh ka ma soomin a? “ ‘Daakki ꞌdooꞌdi minan diso ꞌdiiꞌde, iche tirrinki dagaheete min tiiro yitah.

Mattaayo 25:31

“Maanti Ínam Aadam herti Waakh khabaayi miigtiis leesoonokhti, kombortiisti antoote karnatoote koorronta.

Hilassi Ergaano 3:23

Eti tuummane etaas Waákh íyeyyeedo idagansan, ꞌdooꞌdi Waakhe goya lakabahcha, labaabiicha.’

Marko 8:31

Yeesso ꞌdeerka abattitiis wihi Waakh gooche abinnaan sookhabte. Waha la a saggi Ínam Aadam sinati buure liituso, ewweenki Yaꞌhuud ichoow kuhaaniyyohi wewween ichoow tagaammeti amurre usu iꞌdiiꞌdaane, liiyagiise, chirri maan seyyahe kutte us omoot ikasookaho.

Mattaayo 10:15

Rume atin icheeka, ibeenki Waakh ꞌdooꞌd hukkumo, sinati Waakh ꞌdooꞌdi ilkerengeetti Soodom yiil ichoow ki ilkerengeetti Goomorah yiil tuse iche deefta sinati Waakh ilkerengeettaas tuso ka.

Yoohana 6:39

Eti isooerge la wihi us ꞌdoono a mehe ya, a anihi ꞌdooꞌdi us isiiche koo kalday laka ibaabiine, iꞌdaasenyi an ibeenki ꞌdaꞌddaboot ka, icho tuumman omoot kasookahcho.

Yoohana 8:47

Eti Waakh kayimiy, Yeedi Waakh a dagansata. Atin la Waakh ma kiimaatan gone, jeentetaase ani nabah ikasudiwwaayteen.”

Hilassi Ergaano 17:31

A mehe us ibeenki us enenyet tuumman jiti fissan ka eti us soobahsate ka hukkumo a gooche. Waakh la omoottaas us kasookahche ka enenyet tuumman a irummaache.”

Ibiraaniya 4:12

Wihi Waakh yidah a iꞌdi wihi jiro khabo, miig laka khabo. Afi Yeedi Waakh leeyahiin la afi birlab laka a kutaane, rubey ichoow uur laka seley a goocha, toro la inti hubno ichoow duh kijiraan seley a goocha. Yeedi Waakh wihi suuje ichoow wihi haaggane uureen kijiro a tusa, mali enenyet ichoow wihi enenyet ꞌdoono dagsan laka mujjume fiiricha.

Ibiraaniya 10:25

Uus inno kulanki inno kulanno ꞌdiin, iꞌdi ꞌdooꞌdoo yeeluu. Iꞌdaasenyi tabno uur a ismiigoonno, toro Ibeenki Kamur soonokhti a soodowwaatee gone, weyti iꞌdaas yeello giꞌde.

1 Beetero 1:5

Kakhuufnaanki inno Waakh kakhuufno ka, Waakh miigtiis ka a inno toorriba, ichoowka ribnaankaas ꞌhella. Waha la ibeenki ꞌdaꞌddaboote ꞌdow liisoobahcha.

2 Beetero 3:3

Koloo la waha abda, ibeenneti ꞌdaꞌddaboot ka ꞌdooꞌdi runti Waakh kachaarti toro suujoonki uurassicho imoonaan kalday on yeelo a soobaha.

2 Beetero 3:7

Waakh la yeedaas afoot on ka serey ichoow harrata saggi toolla icho ijiraan on iꞌdiicha ichoowka ibeenki us ꞌdab kagubo baabiicho yateeh. Ibeenkaas Waakh ꞌdooꞌdi usu igaran a hukkuma toro la bar tira.