Yoohana 12:45 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁵ Eti tuummane ani iargo la, ki ani isooerge laka a arga.

Yoohana 12:45 Referans Kwoze

Kolossaay 1:15

Kiriisto a fooli Waakkhi liiargin, a huraati wihi lasoouume tuumman iween.

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

Ibiraaniya 1:3

Weela Waakh la weynaanti Waakkhi ababo tusa, ulla toro a fooli Waakh. Ulla yeediiski miig leh ka wihi tuummane jiro khuccha. Ulla a yumuyye, ꞌdee usu rubeytiis jiti uskeeli weeli enenyet lakadikho yitah. Inkoo us wahaas yeele ka, goobi Waakh ka Waakkhi Weyti Ween ankiiski miigeet orronte.

Yoohana 12:41

Isaaya jeenteti us waha iyidah, a jeenteti us weynaanti Kamur iarge, toro wori usu miinsan ikayeyyeede.

Yoohana 15:24

Chirri kootte an goycho ka wihi injire liiyeelin iyeelin, uskeel ma khabaan. Iꞌdaasenyi toolla wihi ittaawenye weeli enenyet yeelin iubaaꞌdane an yeele a argeene, toro Aabbaheey ichoow ani ba a nah nibhaateen.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

Yoohana 6:40

Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”