Yoohana 12:44 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁴ Yeesso riire wihi us yidah, “Eti tuummane ani irummeesti, ani kalday ma irummeesti, iꞌdaasenyi ki ani isooerge laka a rummeesta.

Yoohana 12:44 Referans Kwoze

Mattaayo 10:40

“Eti tuummane atin khaatti, ani ikhaatta. Eti ani ikhaatti la, Waakkhi ani isooerge iche khaatta.

Yoohana 13:20

Rume atin icheeka, eti tuummane eti an sooergade khaatti, ani ikhaatta. Eti ani ikhaatti la, eti isooergate khaattta.”

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Marko 9:37

“Eti tuummane jeenteti us abattiteey iyahuu, nyaakhuta rurrucchul kichekoo martiisti, ani imartiista. Eti ani imartiisti la, ani menye eti isooergate martiista.”

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

Yoohana 7:28

Yeesso minki Waakhe buure ka ꞌdooꞌd walah abche, riire, wihi us yidah, “Atin rumanka eti an ahe ichoow inti an kiimiy a garattaan on a? An ma issooerganne, iꞌdaasenyi ki isooergate a ki rum leh. Atin la usu ma garattaan.

Yoohana 11:43

Inkoo us waha yidah ka weyti riire, “Laassaro, soobah!” yidah.

Marko 9:23

“Chaꞌat wohoo tabuuꞌd a?” Yeesso yidah, “Eti Waakh on rummeesti walah us iubaaꞌdan mala.”