Yoohana 12:43 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴³ Iꞌdi tahe koolohi Waakh icho koolicho menye, koolohi weeli enenyet icho koolicho iche ꞌdoonaan.

Yoohana 12:43 Referans Kwoze

Yoohana 5:44

Atin goytiinna on ka koolo iskayowattaane, iꞌdaasenyi Waakkhi usu kalday on Waakh yahe, koolo ma kayowattaan. Saggoh ani irummeysattaan?”

Yoohana 5:41

“An weeli enenyet koolo ma kayowdi.

Luuka 16:15

Yeesso la wihi us icho iyidah, “Atin ꞌdooꞌd ortiis ka a ismujjummoossaane, iꞌdaasenyi Waakh uuriin a garta. Wihi weeli enenyet ortiis ka weyti khumman, Waakh weyti ꞌdiiꞌddanyahe.

1 'Dessaloonika 2:6

Nah weeli enenyet, atin eheetteey ommos ꞌdooꞌdoo addan eheetteey ka ba, koolo ma kayowan. Nah a ergaano Kiriisto gone, a geeddi kootte nah walah atin leemaranno.

2 Koriinto 10:18

A mehe eti iskoolicho rumanka koolo ma khabo. Iꞌdaasenyi eti Kamur khaatti iche koolohi rummaat khaba.

Mattaayo 6:2

“Maantaka kolbaaw at etoo miskiine wohoo siisso, enenyet iistuttusin iꞌdi orran ꞌdooꞌdi iskaayyeelo minassi weysiite Yaꞌhuud ichoow jitat ka yeelo ꞌdee ꞌdooꞌd iinkaanyituu. Rume atin icheeka, icho kalaꞌddicho tuum a ꞌheleen.

1 Koriinto 4:5

Maantaka geeddi sahaꞌddi mujjume iitaahan uurassiin ka enenyet ahukkumina. Ibeenki Kamur soonokhti suga. Ulla wihi dagsane mugꞌdi goya kijiro tuummane banay goya isoobahcha. Wihi weeli enenyet uuriis ka ꞌdoono laka a soobahcha. Waakh la ebba koolohi imale a siicha.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Yoohana 8:54

Yeesso wihi us ilaabe, “Chirri an iskoolicho, koolohaas walah icho ibahaan mele. Eti koolo iꞌdoono a Aabbaheeyki atin a Waakkhiinna elattaan.

Luuka 19:17

“Kamuriis la wihi us ilaabe, ‘At weyti haaggisse! At rumanka a bowꞌdati haaggan! At wihi rucchule dahan lakigesse ka laka a lakakhuufa gone, ilkerengeet tomone anatta.’

1 Beetero 3:4

Eykodi atin iseykoddaan ki goytiin kasoobaho jirtuu tuumman ituumin a eheetti. Jiroti samacchaarenye sir laaye Waakh ortiis ka weyti khumman jira.

Rooma 2:7

Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.

Yoohana 7:18

Eti wihi awtiissa on ꞌdooꞌd abcho, magahe isiyowta. Iꞌdaasenyi eti magahi eti sooergate koolo iꞌdoono, a eti rummaate, walah khollokkhane usu miinsan mele.

Rooma 2:29

Wahaas mee etoo Yaꞌhuud kayeelo. Eti rumanka Yaꞌhuude, a ki uuriis ka Yaꞌhuude. Khandihi goyaatteete rummaat la wihi yeelo, amurreti chiiran menye, a Rubeyti Waakhe enenyet urgiyisso. Eti iꞌdaasu luurgiyiche, weeli enenyet menye, Waakhe koolo kaꞌhela.