Yoohana 12:42 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴² Chirraas weynaanti Yaꞌhuud buurche laka usu a rummeysatte. Iꞌdaasenyi jeenteti iche Farissaayo ikaroortuu, saggi iche Yeesso ikakhuufte ma cheekin, minki weysiite Yaꞌhuude lakabahcho iche karoortaa.

Yoohana 12:42 Referans Kwoze

Yoohana 9:22

ꞌDooꞌdi dele jeenteti icho waha iyidaaheen, a jeenteti icho weynaanti Yaꞌhuud ikarooraan. Iꞌdi tahe weynaane goorat mehe goosse ya, eti tuummane Yeesso a Ki Lasubhe cheeko, minki weysiite Yaꞌhuud a lakabahcha.

Yoohana 7:13

Iꞌdaasenyi etoo kaldaye issoobahcho, runtiis kayeyyeedo ma jiro. Iꞌdi tahe ꞌdooꞌd tuumman weynaanti Yaꞌhuude karoora.

Mattaayo 10:32

“Eti tuummane ꞌdooꞌd ortiis ka saggi us keey iyahe cheeko, ani laka usu Aabbaheeyki goobi Waakh kijiro ortiis ka saggi us keey iyahe a cheeka.

1 Yoohana 4:15

Eti tuummane saggi Yeesso Weeli Waakh iyahe cheeko, Waakh goytiissa fiddiya ulla Waakh goytiis fiddiya.

1 Yoohana 4:2

Saggane eti Rubeyti Waakh khabo iabattaan. Eti tuummane rubeytiis woyto Yeesso Kiriisto uummanki weeli enenyete kayimiy cheeko, Waakhe kayimiy.

Rooma 10:10

Iꞌdi tahe uuraahha Yeesso karummeysatta, wahaas la mehe delaan ya, Waakkhi eti fissan kiekkaacho. Toro la chaꞌat ꞌdow ka saggi at Yeesso rummeysatti cheekto, waha mehe delaan ya, Waakkhi kiribo.

Hilassi Ergaano 5:41

Ergaano Jaldaabti Weene Yaꞌhuud katabte. Weyti hamaadeen a mehe jeenteti icho koo Yeesso iyahiin u sinati lakawaaricho a muꞌdanyahiin.

Yoohana 19:38

Yomboka etoo Yuussuf layadeehe ilkerengeetti Arimaꞌdaaya kayimiy, irte Bilaato sar Yeesso daahe. Yuussuf la dagsi ka abatti Yeesso eheet, jeenteti us weynaanti Yaꞌhuud ikarooruu. Amuri Bilaato siiche ka, yimiyye sar Yeesso khaate.

Yoohana 16:2

Minassi weysiite Yaꞌhuud ka a atin lariha. Ibeen la a yamiit, ki eti atin yagiis tuumman, kol us wihi us yeelo ka Waakh gargaaro koogyahe.

Yoohana 12:11

Waha a jeenteti ꞌdooꞌdi Yaꞌhuude ittaawe jeente Laassaruu icho ikatabo, Yeesso irummeesti.

Yoohana 11:45

ꞌDooꞌdi Yaꞌhuude ittaawenye, Maariya bariito yimiy, wihi Yeesso yeele arge, Yeesso rummeeste.

Yoohana 9:34

Waha ka wihi icho laabeen, “At uskeel goya kadelatte, toro la uskeel goya on kaweynaatte. Saggoh toollaka nah walah nah iabissa?” Khar iseyeen.

Yoohana 3:2

Ulla ibeen Yeesso iyimiyye wihi us iyidah, “Eti ween, saggi at etoo Waakh sooergate enenyet walah abcho itahe a garanna. A mehe wahanyeyyohi miigti Waakh tuso at yeesso, et addane yeelo mele, eti Waakh leejiro on menye.”

Luuka 12:8

“Wihi an atin iadeeh, eti tuummane ꞌdooꞌd ortiis ka saggi us keey iyahe cheeko, Ínam Aadam laka herti Waakh ortiche ka, saggi us kiis iyahe a cheeka.

Luuka 6:22

Waakh a atin imaala maanti enenyet jeente Ínam Aadam u atin ꞌdiiꞌdo, atin riho, ommos atin abaaro, magahiin uskeeli nool kawaho.

Luuka 23:13

Bilaato kuhaaniyyohi wewween ichoow ꞌdooꞌdi wewween ichoow ꞌdooꞌdi addan ba isiwahe,

Yoohana 7:31

Iꞌdaasenyi urur goyaka ꞌdooꞌdi ittaawe Yeesso rummeeste, wihi icho yidaaheen, “Ki Lasubhe maanti us yamiit, wahanyeyyohi ittaawenye miigti Waakh tuso eta yeele kussan a yeela?”