Yoohana 12:39 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁹ Jeenteti icho irummeysawwaayeen la, a jeenteti Isaaya intoo addan ka iꞌda iyidah,

Yoohana 12:39 Referans Kwoze

2 Beetero 2:14

Koloo kalday laka uskeel ma ꞌdiichaane, indohicho oboorrihi icho leeurꞌdin ꞌdoonaan on menye, wohoo addan ma khabtaan. ꞌDooꞌdi yeed Yeesso goyaka jarakhe ekkeestaane uskeel kalugꞌdaan. ꞌDooꞌda ꞌdamaam on menye wohoo addan ma woyaan. Icho a ꞌdooꞌdi Waakh fale.

Yoohana 10:38

Iꞌdaasenyi chirri an wihi Aabbaheey ꞌdoono yeelo toro la atin ani irummeysan laka, wihi ittaawenye weeli enenyet yeelin iubaaꞌdan rummeesda. Iꞌda ka saggi Aabbaheey goyteey ikijiro anna goytiis ikijiro a abattaan.”

Yoohana 5:44

Atin goytiinna on ka koolo iskayowattaane, iꞌdaasenyi Waakkhi usu kalday on Waakh yahe, koolo ma kayowattaan. Saggoh ani irummeysattaan?”

Yoohana 6:44

Et ani iyamiit mele, sammata Aabbaheeyki ani isooerge ikakeenin. Anna etaas ibeenki ꞌdaꞌddaboot omoot a kasookahcha.

Yoohana 12:38

Wahaas la a yitaaheene ꞌdee wihi eti Waákh íyeyyeedo Isaaya layadeeh ka lachiire labuuhicha, “Kamur, ayyo wori nah cheekne rummeeste? Ayyo miigti Waakh latuse?”

Yoohana 12:40

“Waakh icho indo a tire, uurassicho la dagahnooche, ꞌdeerka indohicho ka il ma argaane, ommos uurassicho ka walah ma abtaan, ommos ani ma isoonokhtaane ꞌdee ma samaacho.”