Yoohana 12:36 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁶ Anihi banay atin ikeeno, geeddi an atin leejiro irummeesda, ꞌdee atin laka ꞌdooꞌdi banay goya kasohti ateeha.” Inkoo Yeesso waha yidah ka, ꞌdooꞌd katabe, irte dagte.

Yoohana 12:36 Referans Kwoze

Efeesso 5:8

A mehe atin rubeytiin goorat ꞌhor mugꞌdi eheete, iꞌdaasenyi atin ichoow Kamur wohoo kalday a tahiin gone, banaye titaaheen. Maantaka fatali ꞌdooꞌdi banaye jira giꞌde.

1 'Dessaloonika 5:5

Atin tuumman a ꞌdooꞌdi banay goya kijiro, fiddihiin la a ki ꞌdooꞌdi maalim chirri walah tuumman laargo walah yeelo. Atin ꞌdooꞌdi mugꞌdi ichoow ibeen goya kijiro mee.

Yoohana 8:59

Jeenteti waha u dagah okhsatte, usu saataa. Iꞌdaasenyi Yeesso dagte, dagsi ka uranti minki Waakhe buure kabahe.

Luuka 16:8

“Eta kamure ilbooyiiska weene khollokkhan jeenteti ekkeysihiis u kooliche. A mehe ꞌdooꞌdi harrata wihi icho isiyeelaan ka, ꞌdooꞌdi banayhi Waakh kijiro khara ka a kussanyahiin.

Yoohana 11:54

Maantaka Yeesso inti yaafohi Yaꞌhuud kaargaan ma kaassahan. Yeesso intaas katabe, abattitiis khabaayi irte, ilkerengeettoo hidaad haggeenye Efireem layadeeh irte, fiddiye.

Yoohana 1:7

Ulla a yimiyye garti banayhaas ꞌdooꞌd icheeke, ꞌdee usu ka ꞌdooꞌd tuumman woraas rummeesta.

1 'Dessaloonika 5:8

Iꞌdaasenyi inno a ꞌdooꞌdi banay goya kijiro gone, isjeyinno giꞌde. Saggi eti iskareete birtiis gessate kacchiis jeychuu, inno laka kakhuufnaanki inno Kiriisto kakhuufno ichoow ꞌdooninti inno khabno gaacchaankeen a yitaaheen. Toro la khajjeeli saggi Waakh inno iribo kuubno, iꞌdi koofiyati eti iskareet matah jeyisso a inno iyitaahe.

Yoohana 3:21

Iꞌdaasenyi eti tuummane wihi rummaat yeelo banay goya soogela, ꞌdee banay la saggi wihi us yeele wihi Waakh ꞌdoono iyahiin tusaan.”

Mattaayo 21:17

Yeesso la kuhaaniyyohi wewween ichoow tagaammeti amurre katabe, ilkerengeet kabahe, ilkerengeetti Beꞌdaaniya irte, ibeenkoo intaas barye.

Mattaayo 5:14

“Atin iꞌdi banay u, enenyeti harratane jiti Waakh tussaan, ilkerengeetti hal sartiis kadisan la ma ladabo.

Yoohana 8:12

Yeesso toro ꞌdooꞌd leeyyeede wihi us iyidah, “An a banayhi harra. Eti tuummane isooraaho, jirtuu mugꞌdi goya ma kaassohti, iꞌdaasenyi banayhi jiro lakeelo siicha.”

Yoohana 12:37

Chirri Yeesso wahanyeyyoha miigti Waakh tuso tuumman geedda ꞌdooꞌd leejiro us yeele laka, ꞌdooꞌd usu ma rummeysan.

Yoohana 12:46

An iꞌdi banayhi harratane iimiyye, ꞌdee et ani irummeesti mugꞌdi goya fiddiyo mele.