Yoohana 12:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Yoohana 12:26 Referans Kwoze

Galaatiya 1:10

An weeli enenyete kahamaadin ꞌdoona? Mele! An Waakhe kahamaadin ꞌdoona. Chaꞌan uliba enenyet kahamaadin ꞌdoono, an toolla bowꞌda Kiriisto mee.

Kolossaay 3:24

A mehe saggi atin igarattaan u, Kamur wihi atin muꞌdan iꞌdi kalaꞌdeet u a atin guta. Kiriistohi Kamure ihila.

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

Yoohana 17:24

“Aabbahaaw, at icho ani a isiisse. An la ichohi inti an kajiro icho laka kajiraane, ꞌdeeka weynaanti ati isiisse argaan iche ꞌdoona. Weynaantaas la a ti at isiisse jeenteti at ani geeddi harra liisoouumin laka iꞌdoontuu.

Yoohana 10:27

ꞌDooꞌdi iꞌdi iiyteeye hooyeey a daaga, anna icho a garda, icho la ani a isooraahaan.

2 Koriinto 5:8

Nah roorro ma khabno, nahi sarta nah lakabahcho iranni Kamur leefiddiino ꞌdoonna.

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

1 Yoohana 5:3

ꞌDooninti inno Waakh ꞌdoonno a iꞌda, amurretiissa raahna. Amurretiis la hulees mele.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

2 Koriinto 4:5

Iꞌdi tahe nah kooloheenyo enenyet ma icheekno, Yeesso Kiriistohi Kamurenye cheekna. Toro la jeente Yeessuu, saggi nah ilbooyyetiin inahe cheekna.

Rooma 14:18

Eti tuummane iꞌdaasu Kiriisto ifalo la, Waakh a kahamaada, weeli enenyet laka a jilhaata.

Yoohana 15:20

Wihi an atin iidah kasooꞌhela, ‘Falfá kamuriche kaween mele.’ Chirri ꞌdooꞌdi harrata ani sina iomhicho, atin laka sina a atin omhichaan. Chirri icho wihi an abche raaheen la, wihiin laka a raahaan.

Luuka 6:46

“A iꞌdoh ani, ‘Kamur, Kamur,’ ikadowtaane wihi an atin idowo la iyeelina?

Fiiliffi 1:23

Sag lamma liijiita. Anihi irdi Kiriisto leejiro imoona. Iꞌdi tahe taase weyti deefta.

Yoohana 14:3

Chirri an irde meel atin iyeele la, a soonokhda, meesseey atin geecha, ꞌdee inti an kajiro, atin laka kajirtaan.

Yoohana 13:16

Rume atin icheeka, falfá kamuriche kaween mele, ommos eti ergaanee eti ergate ma kaween.

Luuka 9:23

ꞌDeerka wihi us icho tuumman iyidah, “Chirri etoo isooraahin ꞌdoono awtiis a ꞌdiiꞌdo toro la kol dakkhan massalaabatiis barbar a sookorsati a isooraaho.

Mattaayo 25:21

“Kamuriis wihi us ilaabe, ‘At weyti haaggisse! At rumanka a ilbooyi haaggane toro lakakhuufo! At wihi rucchule dahan lakisoogesse ka laka a lakaakhuufa gone, wihi ittaawenye kiweynaacha. Kaale kamuraah hamaadiis leegisam!’

Bakkaahit 14:4

Waha a ꞌdooꞌdi isibiꞌdirroonne deyyeho ileeurꞌdin, a mehe icho miꞌdabe iskayeeleen. Icho la Heleem meelbaaw us irti a raahaan. Waakh icho ꞌdooꞌdi harrata goyaka a soogatte, toro iꞌdi gurnaanki oraat u, Waakh ichoow Heleeme ibahche.

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

Yoohana 21:22

Yeesso wihi us ilaabe, “Chirri an usuhi ichoowka maanti an soonokhdi jiro ꞌdoono, wahaas ati walah icho kiyahiin mele. At kaale abattiteey ateeh!”

Yoohana 14:15

“Chirri atin iꞌdoontaan, amuri an atin siiche a raahtaan.

Marko 8:34

Yomboka urur ichoow abattitiis wahe wihi us iyidah, “Chiꞌ etoo isooraahin ꞌdoono, awtiis a ꞌdiiꞌdo toro la massalaabatiis barbar a sookorsati a isooraaho.

Mattaayo 16:24

Yeesso ꞌdeerka wihi us abattitiis iyidah, “Chiꞌ etoo isooraahin ꞌdoono, awtiis a ꞌdiiꞌdo toro la massalaabatiis barbar a sookorsati a isooraaho.

Luuka 12:37

Chirri kamuricho ichohi iurꞌdine fiddiyo on sooeleele, hamaadi buurenye khabaan. Rume atin icheeka, eta kamure gaaddi ilbooyye gessata, ilbooyye komborti ballaaddane lakagolossati garabiche ka dikkille kareecha ulla yamiite icho goollicha.