Yoohana 12:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Eti jiroti awtiis ꞌdoono, jiroti rummaat a waaya. Eti harrata ka jirotiis ꞌdiiꞌdo la, jirotiis jiroti jirtuu imassan a ikaaya.

Yoohana 12:25 Referans Kwoze

Mattaayo 10:39

Eti tuummane jirotiis khuccho jiroti rummaat a waaya. Eti tuummane harrata ka jirotiis ani iwaayo la, jiroti rummaat a ꞌhela.

Luuka 17:33

Eti tuummane jirotiis khucchin ꞌdoono, jirotiisti rummaat a waaya, eti tuummane jirotiis waayo la jirotiisti rummaat a riba.

Marko 8:35

A mehe eti tuummane jirotiis ribin ꞌdoono jiroti rummaat a waaya. Iꞌdaasenyi ki ani ichoow Wori Haaggan jirotiis iwaayo, jirotiisti rummaat a riba.

Mattaayo 16:25

Eti tuummane jirotiis ribin ꞌdoono, jiroti rummaat a waaya. Iꞌdaasenyi eti tuummane jirotiis ani iwaayo, jirotiisti rummaat a ꞌhela.

Luuka 14:26

“Chirri etoo isooraaho ulla toro aabbahiis ichoow abartiis ichoow makhaabassiis ichoow nyaakhutiis ichoow walaalinyetiis ichoow albehi leedesse iꞌdiiꞌdine, jirotiis laka iꞌdiiꞌdin, etaas abattiteey itaahan ma yabuuꞌd.

Bakkaahit 12:11

ꞌDooꞌd Kiriisto diiggi Heleem ka ichoow wori rummaate icho cheekeen ka Seytaan a sooricheen. Toro la chirri icho layagiis laka, icho omoot ma karoorin.

Mattaayo 19:29

Eti tuummane minan ommos walaalinyetiis ommos albehi leedesse ommos aabbahiis ommos abartiis ommos nyaakhutiis ommos gosiis jeenteti us abattiteey iyahuu kasootabe la, kol kude wahaas us kasootabe ꞌdirihiis ꞌhela, toro la jiroti jirtuu imassan laka a ꞌhela.

Hilassi Ergaano 20:24

Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.

Hilassi Ergaano 21:13

Baawulo wihi us ilaabe, “A iꞌdoh iꞌduu iooytaane uur iuskulaassaan? An hiinaanki liihido kalday menye, anihi ilkerengeetti weene Yeerusaleem ka jeente Yeessohi Kamure amuut laka ma ꞌdiiꞌdo!”

Ibiraaniya 11:35

Deyyeho gaasoo ꞌdooꞌdi hiiyyicheenye tuume omoot lakasookahche, ꞌheleen. ꞌDooꞌd gaasoo bolokkhi buurenye latuse toro furnaanki lasoofuro ꞌdiiꞌde, ꞌdee maanti omoot lakasookahcho ka jirotoo deefto ꞌhelaan.