Yoohana 12:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Abattitiis laka kolooraat waha tuumman ma aban. Inkoo Yeesso goobi Waakh ka laweynaache on iche saggi yeedaas lachiire usu imiinsanyahe, toro wahaas laka usu iyeeleen kaseen.

Yoohana 12:16 Referans Kwoze

Yoohana 2:22

Inkoo Waakh usu omoot kasookahche ka, abattitiis wihi us ꞌhor kayeyyeede kasooꞌhesse. Abatti ꞌdeerka Chiirnaanneti Waakh ichoow wihi Yeesso yidah ba rummeysatte.

Yoohana 14:26

Iꞌdaasenyi Rubeyti Munyeenye ꞌDooggargaarto layadeehe, Aabbaheey meesseey ka sooergo, walah tuummane atin abissa, toro la wihi tuummane an atin isoocheeke, atin kasooꞌhelissa.

Yoohana 7:39

Yeesso yeedaas ka la, wihi us woriis kayeyyeedo, a Rubeyti Munyeenye, ꞌdooꞌdi usu rummeeste sooꞌhelo. Geeddaka uliba Waakh ꞌdooꞌdi Kiriisto rummeeste Rubeyta Munyee ma siin. A mehe Yeesso geeddaakka goobi Waakh ka ma laweynaan.

Hilassi Ergaano 2:36

“Maantaka ꞌdooꞌdi Issiraayel tuumman, waha a abti giꞌde! Waakh rumanka Yeessoha atin massalaaba kakaahteen, a soobahsate, Kamur ichoow Ki Lasubhe kayeele!”

Yoohana 12:23

Yeesso wihi us ilaabe, “Sahaꞌddi Ínam Aadam laweynaacho kola a titah.

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.

Ibiraaniya 8:1

Ayti nah elanni talla, rumanka kuhaanihi weyti weene goobi Waakh ka komborti antoote Waakkhi Weyti Ween ankicheki miigeet ka meessi lakiinkaanyito fiddiyo a khabna.

Hilassi Ergaano 3:13

Waakh Aburaaham ichoow Isakh ichoow Yaakoobo ichoow Waakh aacchinyeteenna Yeessohi falfatiise weynaache. Atin la Yeesso dahanohi chiiyeet gelisseene layigis. Chirri Bilaato soofurin gooche laka, atin Bilaato ortiis ka us keenyo menye tidaaheen.

Hilassi Ergaano 2:33

A laweynaache, Waakh anki dahantiisti miigeet loorrommiche. Waakkhi Aabbahiise Rubeyti Munyeenye us ayyiche kaꞌhele. Waha buurenye toolla atin agarteene toro la daagteen tuumman la, Rubeyti Munyeenye kayamiitiin.

Yoohana 16:4

Waha la a atin isoocheeka, ꞌdee chirri maanti icho waha yeelaan yitah ka, wihi an atin iidah kasooꞌhessaan. “Waha maanti kolooraate atin abattiteey titaaheen ma atin isoocheekin. Iꞌdi tahe an a atin leejiree.

Luuka 24:45

Ulla ꞌdeerka malicho fure ꞌdee wihi Chiirnaanneti Waakh goya kachiiran a abteen.

Luuka 24:25

Yeesso la wihi us iyidah, “Atin eenna a ꞌdalamme, toro eenna kakhuufnaanki atin wihi tuummane ꞌdooꞌdi goorat Waákh íyeyyeedo cheeke kakhuuftaan ka uurassiin a gaꞌdaale!

Luuka 18:34

Abatti la waha dakkhan kichokoo kalday laka ma garan. Iꞌdi tahe wihi yeeda miinsanyahe icho a lakadagche, icho la wihi us kaayyeedo tuumman foolicho ma khabaan.

Luuka 9:45

Iꞌdaasenyi waha wihicho ma aban. Iꞌdi tahe icho waha a lakadagche, uus ꞌdee icho wihi icho yahiin garanne. Icho la usu worsan karooreen.

Yoohana 17:5

Maantaka Aabbahaaw, weynaanti an geeddi at harra isoouumin kileekhabe ortaah ka iweynaay.

Marko 16:19

Inkoo Yeessohi Kamure icho leeyeede ka goobi Waakh liikorche, Waakh anki dahantiisti miigeet orronte.

Marko 9:32

Iꞌdaasenyi wihi us idowo ma abanne, toro usu worsan karooreen.