Yoohana 12:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Kuhaaniyyohi wewween ꞌdeerka jiti icho Laassaro laka kayagiisiin yowteen.

Yoohana 12:10 Referans Kwoze

Luuka 16:31

“Aburaaham la wihi us ilaabe, ‘Chirri icho amurre Muusa ichoow wihi ꞌdooꞌdi Waákh íyeyyeedo chiire daagiwwaayeen, chirri etoo omoot kasookahe laka uskeelicho ma ꞌdiichaan.’ ”

Mattaayo 2:16

Inkoo ꞌHerood saggi makhaaballeti bakkaalle yeyto iekkeysatte kase ka, weyti hollowe. Amur bahche nyaakhuti lallabe guꞌh lamma khabo ichoow ki guꞌh lamma ieleelinne, ilkerengeetti Beꞌdeleheem ichoow ilkerengeetohi isoodow kajiro tuumman a labakkicho yidah. Guꞌhassa lammee ichoow maanti makhaaballeti bakkaalle yeyto karnat icheekte a israahaan.

Yoohana 11:57

Iꞌdaasenyi kuhaaniyyohi wewween ichoow Farissaayo amur bahcheene, chiꞌ etoo inti Yeesso kajiro garti, a soocheeko, ꞌdee a khabteen.

Mattaayo 12:14

Iꞌdaasenyi Farissaayo bahte, tossatte, jiti icho Yeesso kayagiisiin kamasseen.

Yoohana 12:9

Ururoo buurenye Yaꞌhuud Yeessohi ilkerengeetti Beꞌdaaniya kajiro daage, intaas yimiy. Icho la jeenteti icho Yeesso iargaan kalday menye, Laassarohi Yeésso omoot kasookahche laka argine yimaateen.

Yoohana 12:11

Waha a jeenteti ꞌdooꞌdi Yaꞌhuude ittaawe jeente Laassaruu icho ikatabo, Yeesso irummeesti.