Yoohana 12:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Geeddi ibeen lihe ankhantahe ꞌdee daawti Baasakka sootateeh, Yeesso ilkerengeetti Beꞌdaaniya Laassaro yaal yimiy. Laassaro la, a eti goorat Yeesso omoot kasookahche.

Yoohana 12:1 Referans Kwoze

Luuka 24:50

Chirri us abatti khaate ilkerengeetti Beꞌdaaniya idowwaache ka, dahanohiis serey iooge, abatti iweeste.

Yoohana 12:20

ꞌDooꞌdi daawti Baasakka ka irte ilkerengeetti weene Yeerusaleem ka Waakh wahte, ꞌdooꞌdoo yaafohi Yaꞌhuud ieheynan laka goycho a kijire.

Yoohana 11:55

Maanti Daawti Yaꞌhuude Baasakka lahaaggicho soodowwaatte ka, ꞌdooꞌdi ittaawe ilicho kabahe, ilkerengeetti weene Yeerusaleem ikore, daawtichoti Isladikho Baasakka orcheenye gelaanee.

Yoohana 11:1

Maantooka etoo Laassaro layadeehe ilkerengeetti Beꞌdaaniya yaal khannate. Albehi leeddesse too Maariya tahe too la Maarta tahe laka ilkerengeettaas Beꞌdaaniya yaalliin.

Mattaayo 21:17

Yeesso la kuhaaniyyohi wewween ichoow tagaammeti amurre katabe, ilkerengeet kabahe, ilkerengeetti Beꞌdaaniya irte, ibeenkoo intaas barye.

Yoohana 11:44

Eti yumuy soobahe. Usuhi dahanohiis ichoow luhlohiis ba darfohi eti yumuy lakaayyuubo kaayyubanyahiin soobahe. Fool laka dafare kayuuban. Yeesso la wihi us ꞌdooꞌd iyidah, “Furfura, ꞌdee a irti.”

Marko 11:11

Yeesso ilkerengeetti weene Yeerusaleem gele. Minki Waakhe buure gele, walah tuumman yeye. Il a sooibeennowe, abattitiisti tomon ichoow lammee khabaayi, ilkerengeetti Beꞌdaaniya irte.

Luuka 7:37

Makhaabassoo ilkerengeettaas ka uskeel kaassohatte chiꞌiche saggi Yeesso minki etaas Farissaayee ikagolossati daagte ka, kurunkoo daakki alabaasta lakahaaggiche, miricchi kijiro sookhaatte.

Yoohana 11:43

Inkoo us waha yidah ka weyti riire, “Laassaro, soobah!” yidah.

Yoohana 12:9

Ururoo buurenye Yaꞌhuud Yeessohi ilkerengeetti Beꞌdaaniya kajiro daage, intaas yimiy. Icho la jeenteti icho Yeesso iargaan kalday menye, Laassarohi Yeésso omoot kasookahche laka argine yimaateen.

Yoohana 12:12

Ibeenki kaas sooraaho ka, ururi buurenye daawti Baasakka yimiy, saggi Yeesso ilkerengeetti weene Yeerusaleem iyamiit daage.