Yoohana 11:57 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵⁷ Iꞌdaasenyi kuhaaniyyohi wewween ichoow Farissaayo amur bahcheene, chiꞌ etoo inti Yeesso kajiro garti, a soocheeko, ꞌdee a khabteen.

Yoohana 11:57 Referans Kwoze

Yoohana 10:39

ꞌDooꞌd toro Yeesso khaban leheete, iꞌdaasenyi ꞌdooꞌd goya tabe kabahsate.

Yoohana 9:22

ꞌDooꞌdi dele jeenteti icho waha iyidaaheen, a jeenteti icho weynaanti Yaꞌhuud ikarooraan. Iꞌdi tahe weynaane goorat mehe goosse ya, eti tuummane Yeesso a Ki Lasubhe cheeko, minki weysiite Yaꞌhuud a lakabahcha.

Yoohana 8:59

Jeenteti waha u dagah okhsatte, usu saataa. Iꞌdaasenyi Yeesso dagte, dagsi ka uranti minki Waakhe buure kabahe.

Yoohana 11:46

Iꞌdaasenyi gaasichokoo Farissaayo inokhteene, wihi Yeesso yeele icheekeen.

Yoohana 11:47

Kuhaaniyyohi wewween ichoow Farissaayo ba Jaldaabti Weene Yaꞌhuud tol iwaheen. Wihi icho worsateen, “Mehe yeello? Bal wahanyeyyoha ittaawenye miigti Waakh tuso eta yeelo yeya!