Yoohana 11:54 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵⁴ Maantaka Yeesso inti yaafohi Yaꞌhuud kaargaan ma kaassahan. Yeesso intaas katabe, abattitiis khabaayi irte, ilkerengeettoo hidaad haggeenye Efireem layadeeh irte, fiddiye.

Yoohana 11:54 Referans Kwoze

Yoohana 7:1

ꞌDaꞌddaboka, Yeesso boroofenhi Gaalilaaya ka, kolba ilkerengeettoo irte. Jeenteti weynaanti Yaꞌhuud ogoos iyowattuu, boroofenhi Yaꞌhuudiya ma iran.

Yoohana 7:4

Eti rumanka magah ꞌdoono, wihi us yeelo ma dagcho. Maantaka at wahanyeyyoha a haaggissa gone, tab giꞌde enenyet tuumman a kaargo.”

Yoohana 18:20

Yeesso wihi us ilaabe, “An ꞌdooꞌd tuumman ꞌdowe kaleeyyeede. Kol tuumman minassi weysiite Yaꞌhuud ichoow minki Waakhe buurenye ꞌdooꞌdi Yaꞌhuud iskaꞌhelo ka laka ꞌdooꞌd wori Waakh a abche. Walah an dagsi ka idah mele.

Yoohana 10:40

Yeesso ꞌdeerka toro nokhte, hawti Yoordan aficheki ꞌdiri goorat Yoohana ꞌdooꞌd kabaattissiyo imaahe, intaas fiddiye.

Yoohana 7:13

Iꞌdaasenyi etoo kaldaye issoobahcho, runtiis kayeyyeedo ma jiro. Iꞌdi tahe ꞌdooꞌd tuumman weynaanti Yaꞌhuude karoora.

Yoohana 7:10

Inkoo walaalinyetiis daawtaas iratte ka, Yeesso laka irte. Iꞌdaasenyi ꞌdóoꞌd ma istusine, dagsi on ka irte.