Yoohana 11:48 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁸ Chirri inno usu ꞌdiinne us sagga isossohti, ꞌdooꞌd tuumman usu a rummeesta. ꞌDeerka ꞌdooꞌdi wewweene ili Rooma yamiite, minkeenki Waakhe buure ichoow yaafteen tuummamba baabiichaan.”

Yoohana 11:48 Referans Kwoze

Hilassi Ergaano 5:28

“Nah goorat a katirriinsanne, amur atin ibihinne, uus atin magahi reenkaas ichoow yeediis enenyet abin. Iꞌdaasenyi wori Yeesso miinsan ilkerengeetti weene Yeerusaleem tuumman a kataaꞌhisseene, toro diiggiis nahe nah korin ꞌdoontaan.”

Luuka 11:52

“Atinhi tagaammeti amurree, sinati atin sugto eenna a buure! Atin ꞌdooꞌd jiti us Waakh kaabti a kadagisseen. Atin rubeytiin jitaas ma raahtaane, ꞌdooꞌdi addan la usuhi jitaas tabo a jeyisseen.”

Luuka 8:12

Ilmohi jit lakachibe a ꞌdooꞌdi Yeedi Waakh daago, Seytaan la yamiite yeedaas uuricho kabahcho, saggoo ꞌdee icho yeedaas irummeysanne, Waakh iribin yeelo.

Mattaayo 27:25

Enenyet tuumman wihi us ilaabe, “Diiggiis nah ichoow nyaakhuteenyo a nah fuulo!”

Mattaayo 22:7

Karnat weyti hollowe, iskartiis erge, iskare la ꞌdooꞌdi kootte ilbooyyetiis yigis ꞌdabbaasse, toro ilkerengeetticho tuumman laka gubte.

Yoohana 1:7

Ulla a yimiyye garti banayhaas ꞌdooꞌd icheeke, ꞌdee usu ka ꞌdooꞌd tuumman woraas rummeesta.

Mattaayo 22:9

Toollaka nyaama, ilkerengeet irda, ꞌdooꞌdi atin ꞌhessaan tuumman mindischo isoowaha.’

Mattaayo 24:15

“ꞌDeerka maanti atin iyookkoti ‘weyti biꞌdirenye, ꞌdooꞌd keehisso,’ meessi lagan katolosso Daaniyelhi goorat Waákh íyeyyeedo cheeke agarteen,