Yoohana 11:47 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁷ Kuhaaniyyohi wewween ichoow Farissaayo ba Jaldaabti Weene Yaꞌhuud tol iwaheen. Wihi icho worsateen, “Mehe yeello? Bal wahanyeyyoha ittaawenye miigti Waakh tuso eta yeelo yeya!

Yoohana 11:47 Referans Kwoze

Mattaayo 26:3

Maanassaas on kuhaaniyyohi wewween ichoow ewweenki Yaꞌhuud ba uranti kuhaanihi weyti weene magahiis Kayaafa layadeeh ka kulmeen.

Yoohana 12:19

Farissaayo ꞌdeerka wihi iche isitidah, “Ma agartaan a, wihi inno yeelin leheet ma yeelloo! ꞌDooꞌd tuumman usu raaha!”

Yoohana 11:57

Iꞌdaasenyi kuhaaniyyohi wewween ichoow Farissaayo amur bahcheene, chiꞌ etoo inti Yeesso kajiro garti, a soocheeko, ꞌdee a khabteen.

Yoohana 2:11

Waha a wahanyeyyohi oraate miigti Waakh tuso Yeesso ilkerengeetti Kaana boroofenhi Gaalilaaya kajirto ka haaggiche. ꞌDeerka weynaantiis ꞌdooꞌd isoobabbakkaahiche, abattitiis la usu kakhuufte.

Mattaayo 5:22

Iꞌdaasenyi wihi an atin iadeeh, eti tuummane etoo keeye ihollowe, a lahukkuma. Toro la eti tuummane etoo keeye abaare Jaldaabti Weene Yaꞌhuude liikeena, hukkunta. Iꞌdaasenyi eti tuummane etoo addan, ‘ꞌDalanki marah,’ iyidah, a geeddi meessi ꞌdabi armaanjireen lakalugꞌdo.

Hilassi Ergaano 5:24

Eti iskarti minki Waakhe buure yaakhisso iween ichoow kuhaaniyyohi wewween chiꞌicho wora daageen ka wihi nool isworsateene, wihi soobaho kamalaleen.

Hilassi Ergaano 5:21

Ergaano la yeedaas liiyidah raahte, baryo ka, minki Waakhe buure gesse iꞌdi liiyidah u enenyet walah abisse. Kuhaanihi weyti ween ichoow ꞌdooꞌdiis ba Jaldaabti Weene Yaꞌhuud tuummamba tol iwaheen, iskar ergeene ergaano jeela ka a lasookhaato yidaaheen.

Luuka 22:2

Kuhaaniyyohi wewween ichoow tagaammeti amurre jitoo iche Yeesso katagiise yowatta, a mehe enenyete karooraan.

Marko 14:1

Ibeen lamma ankhane ꞌdee daawti Baasakka ichoow Daawti Makaateti Liikhasin lagela. Kuhaaniyyohi wewween ichoow tagaammeti amurre la ekkeysi ka saggi iche Yeesso ikhabatti ꞌdee itagiise yowatta.

Yoohana 6:2

Ururoo buure la Yeesso raahe, wahanyeyyohi ittaawenye miigti Waakh tuso us haaggicho us ꞌdooꞌdi khakkhannan samaache, iche argeen.

Yoohana 7:32

Farissaayo ururi woriis kanyunnyuwo daagte. ꞌDeerka kuhaaniyyohi wewween ichoow Farissaayo ba, iskartoo Yeesso khabatti ergeen.

Yoohana 7:45

Chirri iskare nokhatte ka, Farissaayo ichoow kuhaaniyyohi wewween ba wihi icho iskar worsateen, “A iꞌdoh Yeesso isookhaatina?”