Yoohana 11:44 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴⁴ Eti yumuy soobahe. Usuhi dahanohiis ichoow luhlohiis ba darfohi eti yumuy lakaayyuubo kaayyubanyahiin soobahe. Fool laka dafare kayuuban. Yeesso la wihi us ꞌdooꞌd iyidah, “Furfura, ꞌdee a irti.”

Yoohana 11:44 Referans Kwoze

Yoohana 5:25

Rume atin icheeka, ibeen a yateehe kola la a yitah, ibeenki ꞌdooꞌdi tuume hooyi Weeli Waakh daago. Eti tuummane daage la, jiroti jirtuu imassanne ꞌhela.

Yoohana 20:7

Dafarti Yeesso matah kayuyyuubneet laka ichehi layuyyuube intoo keley taal arge.

Fiiliffi 3:21

Ulla miigtiisti us walah tuumman isikeeno anan yabuuꞌd ka, sarteenta ꞌdarane tamuut a urgiyicha, iꞌdi sartiisti weyti haaggan kayeela.

Yoohana 10:30

Ani ichoow Aabbaheey a koo kalday.”

Yoohana 5:21

Saggi Aabbahiis ꞌdooꞌdi tuume isookahcho jiro isiicho, saggaase Weeliis laka, eti us ꞌdoono jiro isiicha.

Luuka 7:15

Inanki buje soorronte, yeyyeede. Yeesso la inam abarti desse dahan gesse.

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Yoohana 19:40

Lammache ba sar Yeesso khaatte, uyuugge kachibeene goonanneti darfoot leeyuubte. Waha ichoow hugunki yaafohi Yaꞌhuud ka saggi eti yumuy il liikalaabo a israahaan.

Marko 5:43

Yeesso la weyti katirriinsate amur ibahche, uus etoo kalday laka yeeda garan. Weel wohoo us yaham a lasiicho yidah.

Yoohana 20:5

Goꞌd kagulguubsate, goya yeye, darfo kalday arge, iꞌdaasenyi goꞌd goya ma gelin.

Yoohana 11:39

Yeesso wihi us yidah, “Daddaab bahcha.” Iꞌdaasenyi Maartati Laassarohi yumuy leedelatte wihi iche tidah, “Kamur, kola a nuuhe, ibeen affar kutte lahawwaalee.”

Luuka 19:20

“Bowꞌdatoo addan la timiyye wihi iche tidah, ‘Eti ween hiinaanki at isoodiibte kalla. An a khaate dafartoo kahide dagche.

Yoohana 11:43

Inkoo us waha yidah ka weyti riire, “Laassaro, soobah!” yidah.