Yoohana 11:42 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴² Saggi at kol dakkhan idaagto a garda, iꞌdaasenyi jeenteti ꞌdooꞌdane waha iadeehe, ꞌdee icho la saggi at ani isooergatte rummeestaan.”

Yoohana 11:42 Referans Kwoze

Yoohana 3:17

A mehe Waakh Weeliis weeli enenyete us hukkumo ma isooergin. Iꞌdaasenyi a sooerge, ꞌdee weeliis ka weeli enenyet tuumman uskeeliis kariba.

Yoohana 17:21

Aabba, a iweesda, ꞌdee icho tuumman wohoo kalday yateehiin, saggi ati ichoow ani wohoo kalday inahe, toro la ani ichoow ati wohoo kalday inahuu. Aabba, a iweesda ꞌdee icho ichoow inno ba wohoo kalday nateehe ꞌdee ꞌdooꞌdi harrata saggi at ani isooeregte rummeesta.

1 Yoohana 4:14

Inno saggi Waakkhi Aabbaheene Weeliis isooerge, ꞌdee us ꞌDoorribehi ꞌdooꞌdi harrata iyateeh a agarre, toro la a cheekna.

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.

Ibiraaniya 5:7

Maanti Yeesso harrata kijire, us riirit ichoow oytim ka Waakkhi omoot karibo wahte. Jeenteti Us roorro ka Waakh afiis ikutin u, Waakh weysihiis a daage.

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

Yoohana 17:25

“Aabbaheeyki fissan, chirri ꞌdooꞌdi harrata kigaran laka, an a kigarda, ꞌdooꞌda la saggi at ani isooeregte a garta.

Yoohana 17:8

Wori at isiisse iche anna icho siiche, icho la rummeesteen. Icho la saggi an rumanka ati ikaaimiy a gartaane, toro saggi at ani isooeregte laka a rummeestaan.

Yoohana 11:22

Iꞌdaasenyi toolla laka saggi wihi tuummane at Waakh daahte Waakh kiyeelo, a garda.”

Mattaayo 26:53

At saggi chirri an Aabbaheey gargaar idaahe, us herti Waakhe aliffe goosso koloo kalday isooergo ma garatti?

Galaatiya 4:4

Iꞌdaasenyi maanti ibeenki Waakh gooche yitah ka, Waakh Weeliis sooerge. Iꞌdi weeli enenyet u arantoo desse, dakhi amurre Muusa goya kadesse,

Yoohana 11:31

ꞌDooꞌdi Yaꞌhuude kootte Maariya leejire, uur khoboocho, chirra iche dowwa bahte ka, leebaheen. A mehe kol iche hawwaal iratti kooyto koogyahiin.

Yoohana 8:42

Yeesso la wihi us iyidah, “Chirri kootte Waakh rumanka Aabbahiin yahe, ani a iꞌdoontaan. Iꞌdi tahe an Waakhe kiimiyye, toolla la an intane kajira. An awteey u ma imaatane, iꞌdaasenyi usu isooerge.

Yoohana 8:29

Ki isooerge la ma ikatabine, a ileejira, iꞌdi tahe an kol tuumman wihi usu kahamaadicho on yeela.”

Yoohana 8:16

Iꞌdaasenyi chiꞌ kootte incheenka an ꞌdooꞌd hukkumo, jiti an ꞌdooꞌd kahukkumo a ki rummaat. A mehe an waha keley ma yeelo, Aabbaheeyki isooerge a ileejira.

Yoohana 11:43

Inkoo us waha yidah ka weyti riire, “Laassaro, soobah!” yidah.

Yoohana 12:11

Waha a jeenteti ꞌdooꞌdi Yaꞌhuude ittaawe jeente Laassaruu icho ikatabo, Yeesso irummeesti.

Yoohana 12:17

Ururi goorat maanti Yeesso Laassaro goꞌddi lakahawwaale goya kasoowahe omoot kasookahche leejire, wihi yitah tuumman cheeke.