Yoohana 11:41 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴¹ Daddaab hawwaal afiche lakabahche. Yeesso ꞌdeerka serey yeye, wihi us yidah, “Aabba, jeenteti at ani idaagtuu, kalaꞌde kisoolaaba.

Yoohana 11:41 Referans Kwoze

Mattaayo 11:25

Yeesso chirraakka weeste wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse.

Yoohana 17:1

Inkoo Yeesso waha yidah ka, serey yeye, Waakh wahte, wihi us yidah, “Aabba, ibeen a yitah. Weelaah weynaay, ꞌdee Weelaah a kiweynaacho.

Luuka 10:21

Yeesso chirraakka usuhi Rubeyti Munyee hamaadi buure ka rubeytiis buuhisse, wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse. Aa! Aabbahaaw, wihi kaahamaadicho gon wahaase.

Fiiliffi 4:6

Wohoo rucchul ka laka awaꞌdwaaꞌdina. Weysi ka ichoow hawwaassihi atin Waakh hawwaassattaan ichoow kalaꞌddi atin laabtaan ka, Waakh walah dakkhan daaha.

Luuka 18:13

“Iꞌdaasenyi eti kooddi goocho foga tolossate. Ulla serey laka ma yeyine, iꞌdaasenyi kach isguꞌdde, ꞌdee saggi us uskeeliis ka suujoon iargo tuse, wihi us yidah, ‘Okkhoow aniha uskeel leh uur isoonugleyso.’

Mattaayo 11:26

Aa! Aabbahaaw wihi kaahamaadicho gon wahaase.”

Mattaayo 27:60

Goꞌddoo daddaabeete husube us isikhute goya kareeche. Daddaabtoo buure la goꞌd afiche iꞌdembeleeliye, katabe.

Marko 15:46

Yuussuf dafartoo soogate, sar Yeesso massalaaba kasooyagche, dafartaas kaayyuube. Goꞌddoo daddaab ka lakhute hawwaal lakayeele goya kareeche, daddaabtoo buure ꞌdembeleeliye hawwaal afiche gesse.

Luuka 24:2

Daddaabti goꞌd afiche lagesse ichehi laꞌdembeleeliye ꞌheleen.

Yoohana 11:22

Iꞌdaasenyi toolla laka saggi wihi tuummane at Waakh daahte Waakh kiyeelo, a garda.”

Yoohana 20:1

Baryoti boorane ibeenki oraate teebataas ka, Maariyati ilkerengeetti Magdaala goꞌddi Yeesso lakahawwaale ijedde, saggi daddaab meel afiche liikabahche agarte.

Hilassi Ergaano 7:55

Iꞌdaasenyi Isiteefanohi chirraas Rubeyti Munyee buuhto, goobi Waakh serey iyeye, Waakkhi ababo arge, Yeessohi Waakh anki dahantiisti miigeet toollo arge.