Yoohana 11:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Iꞌdaasenyi toolla laka saggi wihi tuummane at Waakh daahte Waakh kiyeelo, a garda.”

Yoohana 11:22 Referans Kwoze

Yoohana 9:31

Saggi Waakh ꞌdooꞌdi uskeel leh nabah ikasudin a garanna. ꞌDooꞌdi usú inkaanyito wihi us ꞌdoono yeelo la nabah a isuda.

Marko 9:23

“Chaꞌat wohoo tabuuꞌd a?” Yeesso yidah, “Eti Waakh on rummeesti walah us iubaaꞌdan mala.”

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Yoohana 17:2

Iꞌdi tahe at usu antohi us ꞌdooꞌdi harra tuumman kaanti a isiisse. Ulla ꞌdee ꞌdooꞌdi at kiis kayeesse tuumman, jiroti jirtuu imassan siicha.

Yoohana 3:35

Aabbaheen weeliis a ꞌdoona, walah tuumman la dahantiissa gesse.

Yoohana 11:23

Yeesso la wihi us iyidah, “Walaalaah omoot a kasookaha.”