Yoohana 11:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Maarta wihi iche Yeesso itidah, “Kamur, kootte at inta kajirte ka, walaaleey ma yamuut!

Yoohana 11:21 Referans Kwoze

Yoohana 11:32

Maariya inti Yeesso kajire sooeleesse, uus iche Yeesso agarte ka, luhlohiis ka jilbo il kaguꞌdubte, wihi iche tidah, “Kamur, kootte at inta kajirte ka, walaaleey ma yamuut.”

Mattaayo 9:18

Yeesso urur leeyyeedaayi, etoo minki weysiite Yaꞌhuud iween yimiyye, ortiis ka jilbo il kaguꞌdde wahte wihi us yidah, “Inanteey toolla dow on bujje, iꞌdaasenyi kaale dahantaah kaꞌdaare, ꞌdee jiro a ꞌhesso.”

Yoohana 11:37

Iꞌdaasenyi gaasoo mehe yidaaheen ya, “Eti indo laa goorat indo a haaggichee, a iꞌdoh, Laassaro omoot ikaholin?”

Yoohana 11:2

Maariyata la a ti ꞌdee Kamur miricchi luhlo kasubahto, tintiche la kahiyyaayto. Maariyatane walaalicheki Laassaro layadeeh khannate.

Yoohana 11:3

Albeha isleedesse, Yeesso farniin iꞌdiiche, “Kamur, aalaahki at weyti ꞌdoonto a khannanyahe,” iyidah.