Yoohana 11:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ “Toro la jeentetiin u, an a hamaada chirri maanti us yumuy an intaas ikajirin. Waha tuumman atine indigir atin ikhabaane, ꞌdee ani irummeysattaan. Iꞌdaasenyi kaaleya usu iiranni.”

Yoohana 11:15 Referans Kwoze

2 Timooti 2:10

Maantaka jeenteti ꞌdooꞌdi Waakh soobahsatuu an walah tuumman a igarrahsada, ꞌdee icho laka ribnaan ichoow weynaanti jirtuu imassanne Yeesso Kiriisto lakaꞌhelo ꞌhelaan.

Yoohana 17:19

Jeentetichuu la, an a ismunyaacha, ꞌdee icho laka, rumanka lamunyaacha.

Yoohana 12:30

Yeesso wihi us yidah, “Hooya jeenteteey ma isooyeedine, jeentetiinna isooyeede.

Yoohana 11:4

Chirri us waha daage ka, Yeesso wihi us yidah, “Khannaata omoot ma kamassati. Khannaata a yateehe ꞌdee Waakh laweynaacha, ꞌdee khannaata ka Weeli Waakh laweynaacha.”

Yoohana 2:11

Waha a wahanyeyyohi oraate miigti Waakh tuso Yeesso ilkerengeetti Kaana boroofenhi Gaalilaaya kajirto ka haaggiche. ꞌDeerka weynaantiis ꞌdooꞌd isoobabbakkaahiche, abattitiis la usu kakhuufte.

1 Yoohana 5:13

Wahanyeyyoha atinhi saggi Yeesso Weeli Waakh iyahe rummeysatteene atin isoochiira, ꞌdee saggi atin jiroti jirtuu imassan ikhabtaan garattaan.

2 Koriinto 4:15

Sinayyoheeyka tuumman a iroonotiinna, ꞌdee haaggi Waakhe buurenye inno imunneynan ballaasta ꞌdooꞌdi buure eleela. Iꞌda ka Waakh a lakoolicha jeenteti ꞌdooꞌdi Waakh kalaꞌd ilaabo ibuuraatuu.

Yoohana 11:14

Yeesso ꞌdeerka abatti ma kaaddaginne, “Laassaro a yumuy,” iyidah.

Yoohana 11:16

Toomashi Manꞌdaan layadeeh, wihi us abattiti addan iyidah, “Inno tuumman eti ween raahno, ꞌdee inno tuumman a leetuunno.”