Yoohana 10:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Chirra us iiy tuumman tumo, orcheeda raaha, iiye la ꞌdubiis raahta, iꞌdi tahe iiye hooyiis a garatta.

Yoohana 10:4 Referans Kwoze

Yoohana 10:16

ꞌDooꞌdoo addane iꞌdi iiyteeyenye, woyheey goya ikajirin a jira. Kaas laka a soodowa. Icho laka hooyeey a dagansataane, icho tuumman la iꞌdi woyhoo kaldache ersinkoo kaldach khabo yateehiin.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Yoohana 18:37

Bilaato wihi us iyidah, “At ꞌdeerka a karnat!” Yeesso wihi us ilaabe, “Aa, at a eysiisse, chaꞌat an a karnat tidah! Rumanka ani jeentetaase liidele, toro jeentetaase harrata iimiyye, ꞌdee rum cheeka. Eti tuummane rum ꞌdoono, a idagansata.”

1 Beetero 2:21

A mehe jeentetane atin liiwahe. Kiriisto laka sina a kawaarte gone, us iyookkoti atin dabatiis raahtaan a atin iyitah.

1 Beetero 5:3

ꞌDooꞌdi dahantiin lagesse iꞌdi kamuri suuje u akaarriirina, iꞌdaasenyi ꞌdooꞌdi woyha iyookkoti haaggan iateeha.

1 Koriinto 11:1

Saggi an dabat Kiriisto iraahuu, atin laka dabateey sooraaha.

Yoohana 10:8

ꞌDooꞌdi tuummane orteey yimiy a ki hatto lehe, enenyet walah saro, iꞌdaasenyi iiye icho nabah ma isudin.

Mattaayo 16:24

Yeesso ꞌdeerka wihi us abattitiis iyidah, “Chiꞌ etoo isooraahin ꞌdoono, awtiis a ꞌdiiꞌdo toro la massalaabatiis barbar a sookorsati a isooraaho.

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.

Ibiraaniya 6:20

Yeesso la orteenna meessaas inno igele. Ulla jirtuu tuumman uumman Melkisedeek u, kuhaaniheenki weyti weene yitah.

Efeesso 5:1

Atin a nyaakhuti Waakhe us weyti ꞌdoono gone, taba giꞌde, fataliis jira.

Yoohana 3:29

Mindischo ka, eti min disti iche iname makhaabassiis tahe. Aali eti min disti la, chirra us hooyi eti min disti daago, iche hamaada. Annaka jeentetaase weyti ihamaada.

Yoohana 13:15

An jit a atin tuse, ꞌdee atin laka wihi an atin iyeele ꞌdooꞌdi addan iyeessaan.

1 Beetero 4:1

Maantaka sar Yeesso Kiriisto jeenteteen u sina a loomhiche gone, taba atin laka saggi us imasse imalda. Iꞌdi tahe eti sartiis sina loomhiche uskeel a kasoonokhte.

Yoohana 10:3

Eti arit yaakhicho la ersim arite ifaha. Iiye la geeddi ersim iche tuumman magahenyetiche kaawwaho hooyiis a daagta. Ulla toro iiy a tuma, toro iiy ortiche raaha.

Yoohana 10:5

Iꞌdaasenyi iiye eti ersinkicho ieheynan ma raahto a kafiridda, iꞌdi tahe hooyiis ma garatti.”

Yoohana 10:27

ꞌDooꞌdi iꞌdi iiyteeye hooyeey a daaga, anna icho a garda, icho la ani a isooraahaan.