Yoohana 10:36 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁶ ki Aabbaheey soobahsate kiis kayeesse harrata isooerge la? A iꞌdoh ꞌdeerka chaꞌan, ‘Ani a Weeli Waakh,’ idah, a gafe ielattaan?

Yoohana 10:36 Referans Kwoze

Yoohana 3:17

A mehe Waakh Weeliis weeli enenyete us hukkumo ma isooergin. Iꞌdaasenyi a sooerge, ꞌdee weeliis ka weeli enenyet tuumman uskeeliis kariba.

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

Yoohana 6:27

Gololi dowwa on kheerowo hol iidowina, iꞌdaasenyi gololi ikheerowine ꞌdooꞌdi yuhum jirtuu tuumman jiro, Ínam Aadam atin siicho hol idowa. Iꞌdi tahe Waakkhi Aabbaheene saggi us usu iꞌdoono on igooche.”

Rooma 9:5

Icho la aacchinyetichoti lagarti Aburaaham ichoow Isakh ichoow Yaakoobo illehe a khabaan. Kiriisto anki weeli enenyet ka, hiiyyaase kayimiy. Ulla a Waakkhi walah tuumman anti, koolo a ꞌhelo jirtuu tuummamba! Aamiin.

Rooma 1:4

Waakh maanti us Rubeyti Munyee ka Yeesso Kiriisto omoot kasookahche, jiti miige ka saggi rumanka Yeesso Kiriistohi Kamureene Weeli Waakh iyahe a tuse.

Yoohana 20:28

Toomas chirraakka, “Ati a Kamuraaya, toro la a Waakkhaaya,” iyidah.

Yoohana 19:7

Weynaanti Yaꞌhuud tirriinsatte wihi iche tidah, “Nah amuri eti iꞌdee a layigaase yadeeh a khabna. A mehe us, ‘Aní Weeli Waakhe,’ iche essa.”

Yoohana 17:21

Aabba, a iweesda, ꞌdee icho tuumman wohoo kalday yateehiin, saggi ati ichoow ani wohoo kalday inahe, toro la ani ichoow ati wohoo kalday inahuu. Aabba, a iweesda ꞌdee icho ichoow inno ba wohoo kalday nateehe ꞌdee ꞌdooꞌdi harrata saggi at ani isooeregte rummeesta.

Yoohana 17:18

Saggi goorat at ani ꞌdooꞌdi harrata isooergatte, iche an laka icho ꞌdooꞌdi harrata iergade.

Yoohana 17:8

Wori at isiisse iche anna icho siiche, icho la rummeesteen. Icho la saggi an rumanka ati ikaaimiy a gartaane, toro saggi at ani isooeregte laka a rummeestaan.

Yoohana 6:69

Toolla la nah saggi at Ki Munyeenye Waakh kayimiy itahe a rummeysanna toro la a garanna.”

Yoohana 6:57

Aabbaheeyki jiro lakeelo ani isooergate jiro a isiiche. Saggaas u la, eti tuummane sarteey yaham ani laka usú jiro a siicha.

Yoohana 6:38

Iꞌdi tahe an goobi Waakhe kiimiyye, wihi an ꞌdoono menye, iꞌdaasenyi wihi Aabbaheeyki isooerge ꞌdoono, iche yeela.

Yoohana 5:30

Awteey u walah an yeelo mele, iꞌdaasenyi saggi an Aabbaheey ikadaago iche enenyet jiti fissan ka ihukkuma, a mehe an ma iskahamaadicho iꞌdaasenyi ki isooergate kahamaadicha.

Yoohana 3:34

A mehe eti Waakh sooerge farniinki Waakhe kaayyeeda. Iꞌdi tahe Waakh etaas Rubeytiisti Munyee iche buuh ka rubeytiis goya gessa.

Luuka 1:35

Herti Waakh wihi iche ilaabte, “Rubeyti Munyee a kisooyagta, miigti Waakkhi Weyti Ween iꞌdi oosimeet u koogoogta. ꞌDeerka weela munyeenye dessi Weeli Waakhe layadeeh.

Mattaayo 27:43

“Usu Waakhe kakhuufa, ‘Aní Weeli Waakhe,’ iche essa menya? ꞌDiicha giꞌde Waakh usu a ribo chiꞌ Waakh usu ꞌdoono,” yidaaheen.

Galaatiya 4:4

Iꞌdaasenyi maanti ibeenki Waakh gooche yitah ka, Waakh Weeliis sooerge. Iꞌdi weeli enenyet u arantoo desse, dakhi amurre Muusa goya kadesse,

Rooma 8:3

Wihi amurre Muusa yeelin iubaaꞌdan jeenteti wihi uurasseen goya kijiro uskeel imoono ꞌdarsicheen u, Waakh a yeele. Waakh weeliiski kaldaye sooerge, soorriyoti uskeel yitah. Weeliiska la iꞌdi weeli enenyet u sarti weeli enenyete uskeel lehe khabe. Waakh ꞌdeerka uskeeli weeli enenyet sartiis kijiro hukkume sina igooche,

Yoohana 8:42

Yeesso la wihi us iyidah, “Chirri kootte Waakh rumanka Aabbahiin yahe, ani a iꞌdoontaan. Iꞌdi tahe an Waakhe kiimiyye, toolla la an intane kajira. An awteey u ma imaatane, iꞌdaasenyi usu isooerge.

Mattaayo 27:54

Chirri eti koobbintoo iskareet itoollo ichoow iskarti leejirte Yeesso yuubisso harrati sesseehto ichoow wihi tuummane yitah agarte ka, weyti nahte, “Rumanka usu Weeli Waakhe eheet,” tidah.

Yoohana 10:35

Saggi atin igarattaan u, Chiirnaanneti Waakh ma luurgiyicho. Chirri ꞌdooꞌdaas Yeedi Waakh ꞌhele, ‘waakkhakh’ lakawahe,