Yoohana 10:35 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁵ Saggi atin igarattaan u, Chiirnaanneti Waakh ma luurgiyicho. Chirri ꞌdooꞌdaas Yeedi Waakh ꞌhele, ‘waakkhakh’ lakawahe,

Yoohana 10:35 Referans Kwoze

Mattaayo 24:35

Sereyta daayan ichoow harra a kutaane, iꞌdaasenyi yeedasseey jirtuu tuumman ma kutaan.

Rooma 13:1

Taba, weynaanti sirgaal afiche akutina. A mehe weynaanti Waakh soobahche on menye, too addan ma jirto. Weynaanti jirto la Waakhe intaas gesse.

Luuka 16:17

Chirri sereyta daayan ichoow harra massataan laka, aytoo kaldaye amurre Muusa goya kajirto labahcho ma jirto.

Hilassi Ergaano 1:16

wihi us yidah, “ꞌDooꞌd Kiriistokaaw, wihi massan Chiirnaanneti Waakhe Rubeyti Munyee Dawuud afiis leekeente, Yuudahi ꞌdooꞌdi Yeesso khabti soowoye miinsan a labuuhicha.

Mattaayo 27:35

Inkoo iche massalaaba kakaahte ka, kura guꞌddateene gaaddiis gisante.

Mattaayo 5:18

Rume atin icheeka, chirri sereyta daayan ichoow harra massataan laka, aytoo rucchul laka amurre Muusa goya ma lakabahcho, ichoowka wihi lachiire tuumman labuuhicha.

Yoohana 19:28

Yeesso chirraakka saggi wihi goorat yateeh tuumman iyitaaheen garte. Ulla saggi us wihi Chiirnaanneti Waakh tadeeh ibuuhichuu, wihi us yidah, “An a subgaade.”

Yoohana 10:34

Yeesso la wihi us icho ilaabe, “Amurretiin rubeyche ka mehe chiiran ya, ‘Waakh mehe yidah ya, atin a waakkhakh.’

Yoohana 10:36

ki Aabbaheey soobahsate kiis kayeesse harrata isooerge la? A iꞌdoh ꞌdeerka chaꞌan, ‘Ani a Weeli Waakh,’ idah, a gafe ielattaan?