Yoohana 10:33 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³³ Wihi icho ilaabeen, “Jeenteti haagga at yeesse mee dagah ikaasaano, iꞌdaasenyi a jeenteti at igafte. Iꞌdi tahe at a weeli enenyet one, toro Waakhe iskaayyeessa.”

Yoohana 10:33 Referans Kwoze

Yoohana 5:18

Jeentetaas u la weynaanti Yaꞌhuud sagag tuumman ka weyti Yeesso ogoos yowatte. Us amurreti Seeri Lanaso kalday ma jebinne, iꞌdaasenyi Waakh a Aabbahaaya essa, Waakh ekkatiis iskayeela.

Yoohana 10:30

Ani ichoow Aabbaheey a koo kalday.”

Fiiliffi 2:6

Us sagag dakkhan ka iꞌdi Waakhe eheete, eheetteey laka us wihi usu muꞌdane Waakh ekkatiis kayeelo ma kadagin.

Rooma 13:1

Taba, weynaanti sirgaal afiche akutina. A mehe weynaanti Waakh soobahche on menye, too addan ma jirto. Weynaanti jirto la Waakhe intaas gesse.

Yoohana 10:24

Weynaantoo Yaꞌhuud Yeesso khaarisse, wihi iche itidah, “Ichoowka maantoh waha nah kadagissa? Chaꞌat Ki Lasubhe tahe, rum on nah isoocheek.”

Yoohana 10:32

Iꞌdaasenyi Yeesso wihi us iyidah, “Anto Aabbaheey ka wihi ittaawenye weeli enenyet yeelin iubaaꞌdan goytiin ka a yeele. Waha an yeele goyaka, jeenteti kichekoh dagah ka ogoos iꞌdoontaan?”

Yoohana 19:7

Weynaanti Yaꞌhuud tirriinsatte wihi iche tidah, “Nah amuri eti iꞌdee a layigaase yadeeh a khabna. A mehe us, ‘Aní Weeli Waakhe,’ iche essa.”