Yoohana 10:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ ꞌDooꞌdi iꞌdi iiyteeye hooyeey a daaga, anna icho a garda, icho la ani a isooraahaan.

Yoohana 10:27 Referans Kwoze

Yoohana 10:16

ꞌDooꞌdoo addane iꞌdi iiyteeyenye, woyheey goya ikajirin a jira. Kaas laka a soodowa. Icho laka hooyeey a dagansataane, icho tuumman la iꞌdi woyhoo kaldache ersinkoo kaldach khabo yateehiin.

Yoohana 10:14

“An a ersinki haaggan. Iiyteey a garda, iiyteey la a igaratta.

Bakkaahit 3:20

An kalla! Ani min khariissa toolla, atin waha. Chiꞌ etoo hooyeey daage, min isoogesse, an a soogela, lammateenyo isleegolossanna.

1 Koriinto 8:3

Iꞌdaasenyi eti Waakh ꞌdoono, Waakh usu a garta.

Ibiraaniya 3:7

Maantaka, iꞌdi Rubeyti Munyee Chiirnaanneti Waakh goyaka tadeeh u, “Maalinka chaꞌatin wihi Waakh essi daagtaan,

Yoohana 5:25

Rume atin icheeka, ibeen a yateehe kola la a yitah, ibeenki ꞌdooꞌdi tuume hooyi Weeli Waakh daago. Eti tuummane daage la, jiroti jirtuu imassanne ꞌhela.

Yoohana 8:12

Yeesso toro ꞌdooꞌd leeyyeede wihi us iyidah, “An a banayhi harra. Eti tuummane isooraaho, jirtuu mugꞌdi goya ma kaassohti, iꞌdaasenyi banayhi jiro lakeelo siicha.”

Galaatiya 4:9

Iꞌdaasenyi toolla atin Waakh abatteene, ommos Waakh atin garti la, a iꞌdoh toro miigti suujenye ꞌdaꞌddarane mammarahe harrata dakhatti ikanokhattaan? Bowꞌdatichooda toro itaahan ꞌdoontaan?

Yoohana 10:8

ꞌDooꞌdi tuummane orteey yimiy a ki hatto lehe, enenyet walah saro, iꞌdaasenyi iiye icho nabah ma isudin.

Yoohana 12:26

Eti tuummane falfateey itaahan ꞌdoono, ani isooraaha. Meelbaaw an irdi ka ileejira. Aabbaheey la eti tuummane hileey haaggicho, usú a weynaacha.

Yoohana 8:43

Kamalda bal, atin a iꞌdoh wihi an atin idowo matah atin igelin? A jeenteti atin wori an atin idowo atin aban iubaaꞌdan.

Luuka 9:23

ꞌDeerka wihi us icho tuumman iyidah, “Chirri etoo isooraahin ꞌdoono awtiis a ꞌdiiꞌdo toro la kol dakkhan massalaabatiis barbar a sookorsati a isooraaho.

Mattaayo 17:5

Yeyyeedaayi, mirisoo dakhane torrogoot icho ankube, hooyoo la miris goyaka sooyeede, “Waha a Weeleeyki an weyti ꞌdoono, an weyti kahamaado. Usu nabah isuda!” yidah.

2 Timooti 2:19

Iꞌdaasenyi ururi rummaate koo Kiriistee iꞌdi tirrinki Waakh u uliba mujjume chuukhanyahe. Wihi kachiiran la kallaayo, “Kamur ꞌdooꞌdi kiise a garta.” Wihi addane kachiiran a mehe ya, “Eti tuummane an Kamure raaha essi, uskeel a ꞌdiicho.”

Yoohana 21:22

Yeesso wihi us ilaabe, “Chirri an usuhi ichoowka maanti an soonokhdi jiro ꞌdoono, wahaas ati walah icho kiyahiin mele. At kaale abattiteey ateeh!”

Luuka 13:27

“Iꞌdaasenyi wihi us ilaabo, ‘An ma atin gardi, ommos inti atin katimaateen ma gardi. Nyaama ikataba atinhi tuummane uskeel yeessaan!’

Marko 8:34

Yomboka urur ichoow abattitiis wahe wihi us iyidah, “Chiꞌ etoo isooraahin ꞌdoono, awtiis a ꞌdiiꞌdo toro la massalaabatiis barbar a sookorsati a isooraaho.

Mattaayo 25:12

“Iꞌdaasenyi wihi us ilaabe, ‘Rume atin icheeka, an ma atin gardi.’

Mattaayo 16:24

Yeesso ꞌdeerka wihi us abattitiis iyidah, “Chiꞌ etoo isooraahin ꞌdoono, awtiis a ꞌdiiꞌdo toro la massalaabatiis barbar a sookorsati a isooraaho.

Mattaayo 7:23

Anna ꞌdow ka mehe icheeka ya, ‘An injire ma atin garan. Atinha hugunꞌdarri kaassohattaan nyaama ikataba.’

Bakkaahit 14:4

Waha a ꞌdooꞌdi isibiꞌdirroonne deyyeho ileeurꞌdin, a mehe icho miꞌdabe iskayeeleen. Icho la Heleem meelbaaw us irti a raahaan. Waakh icho ꞌdooꞌdi harrata goyaka a soogatte, toro iꞌdi gurnaanki oraat u, Waakh ichoow Heleeme ibahche.

Hilassi Ergaano 3:23

Eti tuummane etaas Waákh íyeyyeedo idagansan, ꞌdooꞌdi Waakhe goya lakabahcha, labaabiicha.’

Marko 10:21

Yeesso et yeye, ꞌdoonine buuhisse. Ét iiyeyye, “Wohoo kaldaye kaankhan. Nyaame wihi at khabto tuumman ororiche, chilimme miskiin siiche, ꞌdee kamurroonki goobi Waakh ꞌhele, ꞌdee kaale isooraah.”