Yoohana 10:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ Weynaantoo Yaꞌhuud Yeesso khaarisse, wihi iche itidah, “Ichoowka maantoh waha nah kadagissa? Chaꞌat Ki Lasubhe tahe, rum on nah isoocheek.”

Yoohana 10:24 Referans Kwoze

Yoohana 1:19

Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.

Yoohana 8:53

Aburaahamhi aabbaheenyee a yumuyye, at usu a kaweentahe? ꞌDooꞌdi Waákh íyeyyeedo laka a tuume, at ayyo iskoogtahe?”

Yoohana 8:25

Iche la wihi iche Yeesso worsatte, “At a ayyo?” Yeesso la wihi us ilaabe, “An a eti an uus uumaccho ka an atin isoocheeke on.

Mattaayo 11:3

Wihi icho Yeesso sooworsateen, “At a Ki Lasubhe lasugo bal etoo addane sugna?”

2 Koriinto 3:12

Maantaka jeenteti nah khajjeelaas ikhabno, iche roorro laan ijirra.

Yoohana 16:25

“Wihi tuummane an atin isoocheeke, jiti mammaheete atin ikasoocheeke. Iꞌdaasenyi ibeen a yateeh, ki an mammah ikayeyyeedine, an wihi Aabbaheey miinsan jiti atin kaabattaan ka an atin isoocheeko.

Yoohana 9:22

ꞌDooꞌdi dele jeenteti icho waha iyidaaheen, a jeenteti icho weynaanti Yaꞌhuud ikarooraan. Iꞌdi tahe weynaane goorat mehe goosse ya, eti tuummane Yeesso a Ki Lasubhe cheeko, minki weysiite Yaꞌhuud a lakabahcha.

Luuka 3:15

ꞌDooꞌd wohoo khummane suge. Uurassicho ka kol Yoohana Ki Lasubhe lasugo yahe kamasseen.

Marko 8:32

Yeeda weyti ibabbakkaahiche, Beetero la usu ꞌdol geeche leejaakhe.

Yoohana 10:31

Weynaanti Yaꞌhuud toro dagah okhsatte, Yeesso dagah kachibtaa.

Yoohana 10:33

Wihi icho ilaabeen, “Jeenteti haagga at yeesse mee dagah ikaasaano, iꞌdaasenyi a jeenteti at igafte. Iꞌdi tahe at a weeli enenyet one, toro Waakhe iskaayyeessa.”