Yoohana 10:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Iꞌdaasenyi ꞌdooꞌdoo addan mehe essa ya, “Waha yeyyeedi eti ginna dakhatti mee. Ginna eti indo laa indo a furta?”

Yoohana 10:21 Referans Kwoze

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Yoohana 9:6

Inkoo Yeesso yeeda yidah ka, hanjuf harra katufe, doobbotoo haaggiche, et indo sarche kawelweele.

Mattaayo 4:24

Woriis boroofenhi Siiriya tuumman kataaꞌhe, ꞌdooꞌd la ꞌdooꞌdi tuummane khakkhannane sugeerreti yeerare khabo ichoow ki bolokkhi uskul khabo ichoow ki ginnayyo dakhtaan ichoow ki sungaal khabo ichoow ki maꞌdee ikeene, ulla icho tuumman samaache.

Yoohana 10:22

Maantaas la Daawti Maanti Minki Waakhe Buure Ladikhe lakasooꞌhelo ilkerengeetti weene Yeerusaleeme lakagele. Yeesso laka ꞌdeerka ilkerengeetti weene Yeerusaleem irte. Maantaas la a hayohi il roffo yahe.