Yoohana 10:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Et jiroteey ikabahcho mele, iꞌdaasenyi ani on iꞌdaanu bahcha. Antohi an jiroteey kabahcho a khaba, toro antohi an isikasoolaabo a khaba. Amura Aabbahaaya kaꞌhele.”

Yoohana 10:18 Referans Kwoze

Ibiraaniya 2:9

Iꞌdaasenyi wihi inno agarro a Yeessohi Waakh iꞌdaaru herti Waakh kasoonuglaache. Iꞌdaasenyi jeenteti sina ikawaarte us iyumuy u, Waakh toolla usu ꞌduub a korche, weynaache, a liinkaanyita. Iꞌda ka haaggi Waakhe buure ka, Kiriisto meessi weeli enenyet tuummane kayamuut.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Yoohana 10:17

Aabbaheey jeenteti us ani iꞌdoono, a jeenteti an jiroteey ibahcho, ꞌdee toro ꞌdaꞌddaboka an omoot ka isookaho.

Yoohana 14:31

iꞌdaasenyi ꞌdooꞌdi harrata saggi an Aabbaheey iꞌdoono an amur Aabbaheey iraaho a abta. “Kaaleya inta a katabno.”

Yoohana 6:38

Iꞌdi tahe an goobi Waakhe kiimiyye, wihi an ꞌdoono menye, iꞌdaasenyi wihi Aabbaheeyki isooerge ꞌdoono, iche yeela.

Yoohana 15:10

Chaꞌatin amurreteey raahtaan ꞌdoonintaaya kafiddiitaan, saggi an amurre Aabbaheey iraahe an ꞌdoonintiis ikafiddiyuu.

Yoohana 10:11

“Ani a ersinki haaggan. Ersinki haaggan la jeenteti us iiytiis iribo on u, jirotiis a bahcha.

Hilassi Ergaano 3:15

Atin ki jiro kasoouummanto a tigaaseene, iꞌdaasenyi Waakh omoot a kasookahche. Nah la gartaas a laabna.

Hilassi Ergaano 2:24

Iꞌdaasenyi Waakh usu omoot a kasookahche, bolokkhi omooteet kasoofure, a mehe omoote usu jeyin ma tabuuꞌd.

Yoohana 5:30

Awteey u walah an yeelo mele, iꞌdaasenyi saggi an Aabbaheey ikadaago iche enenyet jiti fissan ka ihukkuma, a mehe an ma iskahamaadicho iꞌdaasenyi ki isooergate kahamaadicha.

Hilassi Ergaano 2:32

Waakh Yeessoha omoot a kasookahche, nah tuumman la gartaas a laabna.

Yoohana 19:11

Yeesso wihi us ilaabe, “Waakh on anto kisiiche menye, at anto at ikakhabto mele. Maantaka eti dahanohaah igesse, uskeeli us khabo kaah laka a kuta.”

Yoohana 10:15

Saggi Aabbaheey ani igarti, iche ani laka Aabbaheey igarda. Anna jeenteti iiyteey u jiroteey a bahcha.

Yoohana 5:26

Iꞌdi tahe saggi Aabbaheey enenyet jiro isiicho, iche Weeliis laka enenyet jiro isiicha.