Yoohana 10:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ ꞌDooꞌdoo addane iꞌdi iiyteeyenye, woyheey goya ikajirin a jira. Kaas laka a soodowa. Icho laka hooyeey a dagansataane, icho tuumman la iꞌdi woyhoo kaldache ersinkoo kaldach khabo yateehiin.

Yoohana 10:16 Referans Kwoze

1 Beetero 2:25

Iꞌdi tahe atin iꞌdi iiyti baabaa kijirto eheet. Iꞌdaasenyi toolla Ersinki rubeyohiin yaakhicho a isoonokhatteen.

Yoohana 11:52

Toro la Yeesso jeenteti yaaftaas kalday on ma iyamuute, iꞌdaasenyi jeenteti nyaakhuti Waakhe taasane iyamuute, ꞌdee ꞌdooꞌdi harra tuumman isikeena, wohoo kalday kayeela.

Yoohana 6:37

“Eti tuummane Aabbaheey dahanteey soogesso ani iyamiit. Anna eti tuummane ani iyimiy jirtuu ma riho.

Yoohana 10:27

ꞌDooꞌdi iꞌdi iiyteeye hooyeey a daaga, anna icho a garda, icho la ani a isooraahaan.

Yoohana 10:11

“Ani a ersinki haaggan. Ersinki haaggan la jeenteti us iiytiis iribo on u, jirotiis a bahcha.

Bakkaahit 3:20

An kalla! Ani min khariissa toolla, atin waha. Chiꞌ etoo hooyeey daage, min isoogesse, an a soogela, lammateenyo isleegolossanna.

1 Beetero 2:10

Atin goorat ꞌhor ꞌdooꞌdi Waakh ma eheynane, iꞌdaasenyi toolla a ꞌdooꞌdi Waakh. Goorat ꞌhor uurnugleeli Waakh ma ꞌheline, iꞌdaasenyi toolla uurnugleeli Waakh a ꞌhesseen.

2 'Dessaloonika 2:13

ꞌDooꞌd Kiriistokaaw, Kamur weyti atin ꞌdoona. Nah jeenteti Waakh orey on atin isoobahsate toro la atin iribuu, Waakkhi nah kalaꞌd ilaabno a imasse. A mehe Waakh hili Rubeyti Munyee munya inno kayeesso ichoow runti Waakhe inno rummeysanni ka a atin riba.

Mattaayo 17:5

Yeyyeedaayi, mirisoo dakhane torrogoot icho ankube, hooyoo la miris goyaka sooyeede, “Waha a Weeleeyki an weyti ꞌdoono, an weyti kahamaado. Usu nabah isuda!” yidah.

Hilassi Ergaano 22:14

“ꞌDeerka wihi us yidah, ‘Waákh aacchinyeteen a kisoobahsate, ꞌdee mali us kikhabo abatta, toro la Eti Fissan agarta, toro usuhi hooyiis ka kileeyyeedo daagta.

Hilassi Ergaano 18:10

Wihi tahe an a kileejira. Et wohoo kiyeelo la mele, iꞌdi tahe ilkerengeetta ka ꞌdooꞌdi ittaawe a kaaya.”

Hilassi Ergaano 15:14

Siimonhi Beetero layadeeh saggi Waakh kolooraat ꞌdooninti us yaafohi Yaꞌhuud ieheynan iꞌdoono ituse, us gaasichokoo isoobahsate ꞌdooꞌdiis ikayeesse a inno isoodowdowe.

Ibiraaniya 13:20

Waakkhi nebey leh Yeessohi Kamureenenye Ersinki weene iiyyaate diiggi ayyinti husube jirtuu tuumman imassanne us gooche ka omoot a kasookahche.

Yoohana 10:2

Eti arit kagelo a ersinki iiytiissa.

1 Beetero 5:4

Maanti Ersinki Ween soobaho la, ꞌduubi Waakh kayamiite jirtuu duh iurgiyine ꞌhessaan.

Yoohana 10:3

Eti arit yaakhicho la ersim arite ifaha. Iiye la geeddi ersim iche tuumman magahenyetiche kaawwaho hooyiis a daagta. Ulla toro iiy a tuma, toro iiy ortiche raaha.

Yoohana 10:4

Chirra us iiy tuumman tumo, orcheeda raaha, iiye la ꞌdubiis raahta, iꞌdi tahe iiye hooyiis a garatta.

Yoohana 10:5

Iꞌdaasenyi iiye eti ersinkicho ieheynan ma raahto a kafiridda, iꞌdi tahe hooyiis ma garatti.”

Yoohana 17:20

“Icho kalday ma iweesdi, ꞌdooꞌdi wori icho cheekaan ka ani irummeesti laka a iweesda.

Rooma 11:25

ꞌDooꞌd Kiriistokaaw, runtoo dagsane an atinhi abattaan ꞌdoono iche jirta, uus ꞌdee atin wihi atin tahiin ka weyti serey isgeenne. Waha la iꞌdicho a iꞌda, ꞌdooꞌdoo Issiraayel matahenyeticho a lamiigooche, iꞌdaasenyi ꞌdee maanti ꞌdooꞌdi yaafohi Yaꞌhuud ieheynan tiricho buuhsame, matahmiigtichotaas a massatta on.

Luuka 15:8

“Ommolla eemba makhaabassoo chilim tomon khabto, koo kalday a kabaabe. Makhaabassa taahiche a bolkhissa min harta chilinkiche mujjum yowatta ichoowka ꞌhessa menya?