Yoohana 10:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Eti walah hato, ogoos ichoow wihi us baabiicho on menye, walah addane us iyamiit mele. An la a imiyye ꞌdee jiro tuum ꞌhessaan.

Yoohana 10:10 Referans Kwoze

Luuka 19:10

A mehe Ínam Aadam a yimiyye ꞌdooꞌdi baabe yowta, riba.”

Yoohana 6:51

Ani a gololi rummaate jiro lakeelo goobi Waakh kayamiit. Eti tuummane golola yuhum, jirtuu tuumman a jira. Gololi an eta siicho a sarteeyti an soobahcho, ꞌdee ꞌdooꞌdi harrata jiro kaꞌhelo.”

Yoohana 12:47

“Eti yeedeey daago iꞌdaasenyi iraahin an ma hukkumo. Iꞌdi tahe an hukkunnaanki an harra hukkumo ma iimaatan, iꞌdaasenyi ribnaanki ꞌdooꞌdi harra iimiy.

Yoohana 6:33

A mehe gololi Waakh ꞌdooꞌd siicho a eti goobi Waakh kayamiite, weeli enenyete harrata jiroti jirtuu imassan siicho.”

Yoohana 3:17

A mehe Waakh Weeliis weeli enenyete us hukkumo ma isooergin. Iꞌdaasenyi a sooerge, ꞌdee weeliis ka weeli enenyet tuumman uskeeliis kariba.

1 Timooti 1:15

Yeesso Kiriisto harratane yimiyye ꞌdee ꞌdooꞌdi uskeel leh riba. Waha a ayti rummaate kootte incheenka tuum lakakhuufo. Ani rubeytey la ꞌdooꞌdi uskeel leh goyaka, eti kuto eheet.

Yoohana 10:1

Yeesso wihi us ꞌdooꞌd iyidah, “Rume atin icheeka, eti sunki iiyyaat ka arit itabine, iꞌdaasenyi ꞌdossoo on tabe sum gele, etaas hatto leeyahe, toro la a eti enenyet walah saro.

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.

2 Beetero 1:11

Iꞌda ka goobi Waakhe jirtuu imassanne Yeesso Kiriistohi Kamureenenye ꞌDoorribeheene dakhti ka weyti atin lasoodowwaacha.

Ibiraaniya 6:17

Waakh ꞌdooꞌdi wihi us ayyiche dalho saggi us ayta weyti imiigooche toro la us maliis iurgiyin a tusa. Jeentetuu la Waakh wihi us ayyiche ka a daatte.

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Rooma 2:21

Toollaka atinhi ꞌdooꞌdi addan walah abissaan, a iꞌdoh atin rubeytiin walah isiabinna? Atinhi hatto suujjiche cheektaan, atin rubeytiin walah a hattaan?

Mattaayo 18:10

Taba nyaakhuti rurrucchul aꞌdarraawina. Iꞌdi tahe wihi an atin iadeeh, herti Waakhe goobi Waakh ka icho yuubisso kol dakkhan goobi Waakh ka fool Aabbaheey a agarta.

Marko 11:17

Enenyet ayti Waakh abche, wihi us iyidah, “Wihi chiiran, “ ‘Minkeey mehe layadeeh ya, minki weysiite, ꞌdooꞌdi harra tuumman,’ Iꞌdaasenyi, ‘inti ꞌdooꞌdi hatto leh kadagti,’ kayeesseen.”

Yoohana 12:6

Jeenteti us miskiino uur ikasoonugleeste mee waha iyidah. Jeenteti us iꞌdaas iyidah, a jeenteti us ugarti chilimme ikhuccho, us chilimme ihato.

Mattaayo 21:13

wihi us iyidah, “Wihi chiiran, ‘Minkeey minki weysiite layadeeh,’ iꞌdaasenyi, ‘inti ꞌdooꞌdi hatto leh kadagti,’ iche kayeesseen.”

Yoohana 5:40

Iꞌdaasenyi atin, atinhi ani itamiitiine ꞌdee jiroti rummaat jirtaan a ꞌdiiꞌddeen.

Yoohana 10:11

“Ani a ersinki haaggan. Ersinki haaggan la jeenteti us iiytiis iribo on u, jirotiis a bahcha.