Yoohana 1:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Ulla a yimiyye garti banayhaas ꞌdooꞌd icheeke, ꞌdee usu ka ꞌdooꞌd tuumman woraas rummeesta.

Yoohana 1:7 Referans Kwoze

Hilassi Ergaano 19:4

Baawulo wihi us iyidah, “Wihi baattissiyo Yoohana enenyet tusso, a ꞌdooꞌdi uskeel kasoonokhte. Yoohana rubeytiis la wihi us ꞌdooꞌd iyidah, ‘Ki ꞌdubeey ka yamiit rummeesda,’ kaas la a Yeesso.”

Yoohana 1:36

Chirri us Yeessohi kuto arge ka, wihi us yidah, “Yeya, Heleenki Waakh kuulla.”

Yoohana 1:12

Iꞌdaasenyi ꞌdooꞌdi tuummane usu khaatte, magahiis rummeeste, nyaakhuti Waakhe icho yateehiin a muꞌdanyahiin.

Yoohana 1:9

Eti banayhi rummaatenye weeli enenyet tuumman banay tuso la yomboka harra a yamiit.

Yoohana 1:15

Yoohana la runti usu miinsan enenyet a icheeke, riire wihi us urur iyidah, “Kan a eti an, ‘Etoo ani ikaween ꞌdubeey ka a yamiit, iꞌdi tahe us geeddi an idelan laka a jire on,’ eldi.”

2 Beetero 3:9

Kamur wihi us ayyiche ka ma soomalmalo iꞌdi ꞌdooꞌd gaasoo malmalli ikhaatuu. Us a atin igarrahsata a mehe usuhi etoo kalday laka iumaatane, iꞌdaasenyi enenyet tuumman uskeel kasoonokhti iche ꞌdoona.

Tiito 2:11

A mehe haaggi Waakhe buurenye inno imunneynane ribnaan keeno, weeli enenyet tuumman a liisoobabbakkaahiche.

Efeesso 3:9

Toro la Waakh dakhi wihi tuummane dagsaneete us enenyet ikhabo miinsan ꞌdooꞌd latuso a igesse. Waakkhi walah tuumman soouume la, wahanyeyyohaas injire enenyet ma isoobabbakkaahin.

1 Timooti 2:4

A mehe Waakh weeli enenyet tuumman usuhi laribo toro la rum abti ꞌdoona.

Yoohana 1:19

Maanti weynaanti yaafohi Yaꞌhuude ilkerengeetti weene Yeerusaleem taal, kuhaaniyyo ichoow ꞌdooꞌdoo goob Laaweenye kuhaaniyyo gargaaro Yoohana ieregte, eti us yahe iche worsatte.

Galaatiya 3:26

Kakhuufnaankaas atin Yeesso Kiriisto kakhuufteen ka, atin tuumman a nyaakhuti Waakh.